|
|
 |
| (GMT+08:00)
2007-11-18 19:17:52
|
 |
|
ລັດຖະມົນຕີການຕ່າງປະເທດສິງກະໂປກ່າວວ່າກົດບັດອາຊຽນບໍ່ວາງຂໍ້ມາດຕາລົງໂທດ
cri
ຕາມຂ່າວສານຊິນຮວາ,ເວັບໄຊທາງການຂອງກອງປະຊຸມສຸດຍອດອາຊຽນຄັ້ງທີ13ແຈ້ງຂ່າວວ່າ,ທ່ານກີໂອຈີ ຢຽງຢົງບູນ ລັດຖະມົນຕີວ່າການກະຊວງການຕ່າງປະເທດສິງກະໂປ ປະເທດປະທານໝູນວຽນອາຊຽນກ່າວວ່າ,ກົດບັດອາຊຽນທີ່ຈະລົງນາມນັ້ນຈະຍຶດໝັ້ນການປຶກສາຫາລືເພື່ອກ້າວເຖິງຂັ້ນມີຄວາມເຫັນເປັນເອກະພາບກັນ,ພາຫະນະແບບບັງຄັບເຊັ່ນການລົງໂທດ,ການຍົກເລີກຄຸນວຸດທິປະເທດສະມາຊິກເປັນຕົ້ນຈະບໍ່ກາຍເປັນຂໍ້ມາດຕາຂອງກົດບັດ.
ໃນເວລາໃຫ້ສຳພາດຕໍ່ສື່ມວນຊົນ,ທ່ານກີໂອຈີ ຢຽງຢົງບູນ ກ່າວວ່າ,ກົດບັດອາຊຽນລະບຸໄວ້ວ່າຈະສ້າງກົນໄກແກ້ໄຂຂໍ້ຂັດແຍ່ງຕາມລະບຽບການທົ່ວໄປໃນສາກົນ.ບັນຫາຫຍຸ້ງຍາກຈຳນວນໜຶ່ງຈະໃຫ້ຜູ່ນຳອາຊຽນແກ້ໄຂດ້ວຍວິທີໂຮມສູນສະຕິປັນຍາລວມໝູ່.
ກອງປະຊຸມສຸດຍອດອາຊຽນຄັ້ງທີ13ຈະຈັດຂຶ້ນຢູ່ສິງກະໂປໃນວັນທີ20ພະຈິກນີ້.ໃນກອງປະຊຸມດັ່ງກ່າວ,10ປະເທດອາຊຽນຈະລົງນາມໃນກົດບັດອາຊຽນທີ່ມີຄວາມໝາຍເປັນຫຼັກໝາຍທາງ.
|
|
|
