|
|
 |
| (GMT+08:00)
2007-11-19 11:58:21
|
 |
|
ນາຍົກຈີນແລະສິງກະໂປພົບປະເຈລະຈາແລະລົງນານໃນສັນຍາຂອບສ້າງຕົວເມືອງຊີວະຊາດຢູ່ນະຄອນທຽນສິນຈີນ
cri
Author: MO
ຕາມຂ່າວCRI:ຕອນບ່າຍວັນທີ 18 ພະຈິກນີ້, ທ່ານລີຊຽນລົງ ນາຍົກລັດຖະມົນຕີສິງກະໂປແລະທ່ານເວີ່ນເຈຍປາວ ນາຍົກລັດຖະມົນຕີຈີນທີ່ໄປຢ້ຽມຢາມໄດ້ພົບປະເຈລະຈາ, ສອງຝ່າຍໄດ້ບັນລຸການຕົກລົງກັນຫຼາຍປະການກ່ຽວກັບສອງປະເທດເພີ່ມທະວີການຮ່ວມມືກັນແບບຕ່າງຝ່າຍຕ່າງໄດ້ຮັບຜົນປະໂຫຍດ, ແລະໄດ້ເຊັນສັນຍາຂອບກ່ຽວກັບລັດຖະບານສອງປະເທດສ້າງຕົວເມືອງຊີວະຊາດຢູ່ນະຄອນທຽນສິນຂອງຈີນ.
ໃນການເຈລະຈາ, ນາຍົກທັງສອງເປັນເອກະສັນກັນເຫັນດີ ຊຸກຍູ້ການເຈລະຈາເຂດການຄ້າເສລີຈີນສິງກະໂປດ້ວຍທ່າທີຄ່ອງແຄ້ວ ຕິດແທດຕົວຈິງແລະເຫັນໃຈກັນ, ສ້າງກົນໄກສົນທະນາກ່ຽວກັບນະໂຍບາຍປ້ອງກັນປະເທດ, ເພີ່ມທະວີການປະສານສົມທົບໃນວຽກງານສາກົນແລະພາກພື້ນ, ພ້ອມກັນຊຸກຍູ້ຂະບວນການຮ່ວມມືອາຊີຕາເວັນອອກ, ໃຫ້ຍຸດທະສາດພັດທະນາຂອງປະເທດໃຜລາວຕິດພັນກັບການຮ່ວມມືເສດຖະກິດການຄ້າລະຫວ່າງສອງປະເທດໃຫ້ສະໜິດແໜ້ນ, ແລະພ້ອມກັນຊອກຫາເສັ້ນທາງບຸກເບີກຕະຫຼາດຝ່າຍທີ 3 ດ້ວຍຫຼາຍວິທີ, ເຂົ້າຮ່ວມການຮ່ວມມືແລະແຂ່ງຂັນກັນລະຫວ່າງຊາດ.
ທ່ານລີຊຽນລົງກ່າວຢໍ້າວ່າ, ສິງກະໂປຈະສືບຕໍ່ເດັດດ່ຽວປະຕິບັດນະໂຍບາຍຈີນດຽວ, ຄັດຄ້ານໄຕ້ຫວັນເປັນເອກະລາດ, ຫຼັກໝັ້ນດັ່ງກ່າວແມ່ນພື້ນຖານແຫ່ງການພົວພັນຍຸດທະສາດສິງກະໂປຈີນ, ຈະບໍ່ປ່ຽນແປງ. ທ່ານເວີ່ນເຈຍປາວສະແດງຄວາມຊົມເຊີຍຕໍ່ເລື່ອງນີ້.
|
|
|
