|
|
 |
| (GMT+08:00)
2007-11-20 08:00:24
|
 |
|
ນາຍົກຈີນພົບປະກັບຜູ່ນຳຫວຽດນາມແລະສິງກະໂປ
cri
ຕາມຂ່າວCRI,ວັນທີ19ພະຈິກນີ້,ທ່ານເວິ່ນເຈ່ຍປາວ ນາຍົກລັດຖະມົນຕີຈີນທີ່ຢ້ຽມຢາມຢູ່ສິງກະໂປໄດ້ພົບປະກັບທ່ານຫງວຽນເຕິນຢຸງ ນາຍົກລັດຖະມົນ ຕີຫວຽດນາມ.
ໃນເວລາພົບປະ,ທ່ານເວິ່ນເຈ່ຍປາວກ່າວວ່າຫວັງໃຫ້ຈີນແລະຫວຽດນາມເລັ່ງລັດ ການສຳຫຼວດວັດແທກເສັ້ນຊາຍແດນທາງບົກ,ຊຸກຍູ້ການເຈລະຈາກ່ຽວກັບການຂີດແບ່ງຊາຍແດນຂອງເຂດທະເລນອກອ່າວພາກເໜືອພ້ອມດ້ວຍບັນຫາການຮ່ວມກັນພັດທະນາຢ່າງໜັກແໜ້ນ.ແກ້ໄຂບັນຫາທະເລຈີນໃຕ້ໃຫ້ດີຕາມຫຼັກການ"ໂຈະຂໍ້ຂັດແຍ່ງກ່ອນແລະຮ່ວມກັນພັດທະນາ".ທ່ານຫງວຽນເຕິນຢຸງກ່າວວ່າ,ຫວຽດນາມຍິນດີຮ່ວມກັບຈີນທຳຄວາມພະຍາຍາມ,ຮັບປະກັນໃຫ້ສຳເລັດວຽກງານສຳຫຼວດວັດແທກເສັ້ນຊາຍແດນທາງບົກລະຫວ່າງສອງປະເທດຕາມເວລາກຳນົດ,ແລະແກ້ໄຂບັນຫາທາງທະເລໂດຍຜ່ານການປຶກສາຫາລືກັນຢ່າງມີໄມຕີຈິດ.ນອກນີ້,ສອງຝ່າຍຍັງໄດ້ມີຄວາມເຫັນເປັນເອກະສັນກັນກ່ຽວກັບການເພີ່ມທະວີການຮ່ວມມື.
ມື້ດຽວກັນ,ທ່ານເວິ່ນເຈ່ຍປາວຍັງໄດ້ພົບປະກັບທ່ານນາທານ ປະທານາທິບໍດີ,ທ່ານໂກຈົກຕົງ ລັດຖະມົນຕີອາວຸໂສແລະທ່ານລີກວານຢູ ລັດຖະມົນຕີທີ່ປຶກສາຂອງສິງກະໂປ,ໄດ້ແລກປ່ຽນຄວາມເຫັນກ່ຽວກັບການຊຸກຍູ້ການຂະຫຍາຍການພົວພັນລະຫວ່າງຈີນກັບສິງກະໂປຕື່ມອີກ,ເພີ່ມທະວີການຮ່ວມມືໃນຂົງເຂດຕ່າງໆລະຫວ່າງສອງປະເທດພ້ອມດ້ວຍບັນຫາອື່ນໆທີ່ສົນໃຈນຳກັນ.
ວັນທີ18ພະຈິກນີ້,ທ່ານເວິ່ນເຈ່ຍປາວແລະທ່ານລີຊຽນລົງນາຍົກລັດຖະມົນຕີສິງກະໂປໄດ້ພົບປະເຈລະຈາກັນ,ສອງຝ່າຍໄດ້ມີຄວາມຮັບຮູ້ຄືກັນທີ່ສຳຄັນຫຼາຍດ້ານກ່ຽວກັບການເພີ່ມທະວີການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດຕື່ມອີກ,ແລະໄດ້ລົງນາມໃນສັນຍາຂອບລະຫວ່າງລັດຖະບານສອງປະເທດກ່ຽວກັບການສ້າງເມືອງຊີວະພາບຢູ່ນະຄອນທຽນສິນຂອງຈີນ.
|
|
|
