|
|
 |
| (GMT+08:00)
2007-11-20 14:17:24
|
 |
|
ກອງປະຊຸມສຸດຍອດຈີນຍີ່ປຸ່ນສ.ເກົາຫລີຄັ້ງທີ 8 ຈັດຂຶ້ນຢູ່ສິງກະໂປ
cri
Author: mo
ຕາມຂ່າວCRI: ຕອນເຊົ້າວັນທີ 20 ພະຈິກນີ້, ກອງປະຊຸມສຸດຍອດຈີນຍີ່ປຸ່ນສ.ເກົາຫລີໄດ້ຈັດຂຶ້ນຢູ່ສິງກະໂປ. ທ່ານເວີ່ນເຈຍປາວ ນາຍົກລັດຖະມົນຕີຈີນ, ທ່ານໂຣມູຢຸນ ປະທານາບໍດີສ.ເກົາຫຼີແລະທ່ານຢາຊູໂອະ ຟູຄູດະ ນາຍົກລັດຖະມົນຕີຍີ່ປຸ່ນໄດ້ເຂົ້າຮ່ວມກອງປະຊຸມ.
ທ່ານໂຣມູຢຸນໄດ້ເປັນປະທານກອງປະຊຸມ. ທ່ານກ່າວວ່າ, ພາກພື້ນອາຊີຕາເວັນອອກສຽງເໜືອແມ່ນໜຶ່ງໃນພາກພື້ນທີ່ມີພະລັງແຮງກວ່າໝູ່ຂອງໂລກ. ແຕ່ການຮ່ວມມືຂອງປະເທດຕ່າງໆຈະລໍຄອຍການເພີ່ມທະວີຂຶ້ນ. ທ່ານເວີ່ນເຈຍປາວກ່າວວ່າ, ຝ່າຍຈີນຍິນດີເພີ່ມທະວີການແລກປ່ຽນກັບຍີ່ປຸ່ນແລະສ.ເກົາຫລີກ່ຽວກັບການຮ່ວມມືພາກພື້ນ. ທ່ານຢາຊູໂອ ຟູຄູດະກ່າວວ່າ, ຝ່າຍຍີ່ປຸ່ນຍິນດີຮ່ວມມືກັບປະເທດທີ່ກ່ຽວຂ້ອງ, ແກ້ໄຂບັນຫາທີ່ມີຢູ່ໃນພາກພພື້ນອາຊີຕາເວັນອອກສຽງເໜືອ, ໂດຍສະເພາະແມ່ນບັນຫາຄວາມໝົ້ນຄົງຂອງພາກພື້ນ.
ຜູ້ນຳຂອງສາມປະເທດຈະແລກປ່ຽນຄວາມເຫັນໃນການເພີ່ມທະວີການຮ່ວມມືໃນການອະນຸລັກສິ່ງແວດລ້ອມ ວິທະຍາສາດເຕັກນິກ ວັດທະນະທຳ ການແລກປ່ຽນຊາວໜຸ່ມແລະຂົງເຂດອື່ນໆ. ຕາມທີ່ເຄີຍເຮັດມາ, ຜູ້ນຳຈີນຍີ່ປຸ່ນແລະສ.ເກົາຫລີຍັງຈະຜ່ານ"ບົດລາຍງານການຄືບໜ້າ"ປະຈຳປີຂອງການຮ່ວມມືສາມປະເທດ.
|
|
|
