ຕາມ​ຂ່າວCRI：​ໃນ​ກອງ​ປະຊຸມ​ຄັ້ງທີ 34 ຂອງ​ອົງການ​ອາຫານ​ແລະ​ການ​ກະ​ເສດ​ສະຫະ​ປະຊາ​ຊາດຫຼືFAO​ທີ່​ຈັດ​ຂຶ້ນ​ຢູ່​ນະຄອນຫຼວງ​ໂລມ​ໃນວັນ​ທີ 19 ພະຈິກ​ນີ້, ທ່ານ​ຊຸນ​ເຈິ້ງ​ສາຍ ລັດຖະມົນຕີ​ວ່າການ​ກະຊວງ​ກະສິກຳ​ຈີນ​ໄດ້​ກ່າວ​ປາຖະກະຖາ​ບັນ​ຍາຍ​ນະ​ໂຍບາຍ​ດ້ານ​ທັນ​ຍາ​ຫານ​ແລະ​ການ​ພັດທະນາ​ພະລັງງານ​ຊີວະ​ຊາດຂອງ​ຈີນ.

ທ່ານ​ຊຸນ​ເຈີ້​ງສາຍ​ກ່າວ​ວ່າ, ​ຈີນ​ແມ່ນປະ​ເທດ​ພວມ​ພັດທະນາ​ທີ່ມີ​ປະຊາກອນ 1 ຕື້ 300 ລ້ານ​ຄົນ, ​ໄດ້​​ໃຫ້​ຄວາມ​ສຳຄັນ​ຫຼາຍຕໍ່​ການ​ພັດທະນາ​ທັນ​ຍາ​ຫານ​ແລະ​ກະສິກຳ. ​ໃນຫຼາຍປີ​ມາ​ນີ້, ກະສິກຳ​ແລະ​ເສດຖະກິດ​ຊົນນະບົດ​ຂອງ​ຈີນ​ໄດ້​ຮັກສາ​ທ່ວງທ່າ​ພັດທະນາ​​ເປັນ​ຢ່າງ​ດີ. ​ໃນ​ດ້ານ​ພັດທະນາ​ພະລັງງານ​ຊີວະ​ຊາດ, ລັດຖະບານ​ຈີນ​ໄດ້​ຍຶດໝັ້ນຫຼັກການ​ທີ່​ບໍ່​ຍາດ​ທັນ​ຍາ​ຫານ​ກັບ​ຄົນ​ ບໍ່​ຍາດ​ທີ່​ດິນ​ກັບ​ທັນ​ຍາ​ຫານ, ​ໄດ້​ຄວບ​ຄຸມຢ່າງ​ເຄັ່ງ​ຄັດ​ຕໍ່​ການ​ໃຊ້​ຜະລິດ​ຕະພັນ​ທັນ​ຍາ​ຫານ​ແລະ​ນ້ຳມັນ​ເຊັ່ນ​ເຂົ້າສາລີ​ແລະ​ວັດຖຸນ້ຳມັນ​ເປັນຕົ້ນມາ​ຜະລິດ​ວັດຖຸ​ເຊື້ອ​ໄຟ​ຊີວະ​ຊາດ.

ທ່ານ​ຍັງ​ຮຽກຮ້ອງ​ໃຫ້​ປະ​ເທດ​ພັດທະນາ​ໃຊ້​ການ​ກະທຳ​ຕົວ​ຈິງ​ຢ່າງ​ແທ້​ຈິງ​ກວ່າ​ເກົ່າ, ​ເພີ່ມ​ທະວີ​ການ​ສະໜັບສະໜູນຄວາມ​ປອດ​ໄພ​ດ້ານ​ທັນ​ຍາ​ຫານ​ແລະ​ການ​ພັດທະນາ​ກະສິກຳ​ຂອງ​ປະ​ເທດ​ພວມ​ພັດທະນາ, ພ້ອມ​ກັນ​ຊຸກ​ຍູ້​​ໃຫ້​ບັນລຸ​ເປົ້າໝາຍ​ຮອດ​ປີ 2015 ​ເຮັດ​ໃຫ້​ປະຊາກອນ​ຜູ້​ອຶດ​ຢາກ​ແລະການ​ຂາດ​ທາດ​ບຳລຸງ​ຂອງ​ທົ່ວ​ໂລກ​ຫຼຸດລົງ​ເຄິ່ງໜຶ່ງ.