|
|
 |
| (GMT+08:00)
2007-11-20 14:51:12
|
 |
|
ມຽນມາກ່າວວ່າມີຄວາມສາມາດແກ້ໄຂບັນຫາພາຍໃນປະເທດໄດ້
cri
ຕາມຂ່າວສານຊິນຮວາ,ໃນງານລ້ຽງອາຫານຄ່ຳເຮັດວຽກບໍ່ເປັນທາງການຂອງຜູ່ນຳອາຊຽນທີ່ຈັດຂຶ້ນໃນວັນທີ19ພະຈິກນີ້,ທ່ານເທນເຊນນາຍົກລັດຖະມົນຕີມຽນມາກ່າວວ່າ,ສະພາບການມຽນມາໃນປັດຈຸບັນແມ່ນວຽກງານພາຍໃນຂອງມຽນມາ,ມຽນມາເອງມີຄວາມສາມາດເຕັມທີ່ທີ່ແກ້ໄຂບັນຫາດັ່ງກ່າວໃຫ້ດີໄດ້.
ທ່ານເທນເຊນກ່າວວ່າ,ຫວ່າງມໍ່ໆນີ້,ທ່ານອີບຼາຮິມກຳບາຣີ ທູດພິເສດສະຫະປະຊາຊາດໄດ້ຢ້ຽມຢາມມຽນມາ4ເທື່ອແລ້ວ,ມຽນມາກໍໄດ້ຮັບເອົາຂໍ້ສະເໜີຫຼາຍຂໍ້ຂອງທ່ານກຳບຼາຣີ.ພາຍໃຕ້ການໄກ່ເກ່ຍຂອງທ່ານກຳບາຣີແລະສະຫະປະຊາຊາດ,ມຽນມາມີຄວາມໝັ້ນໃຈຢ່າງພຽງພໍທີ່ແກ້ໄຂວຽກງານທີ່ກ່ຽວຂ້ອງໃຫ້ດີໄດ້.
ໃນງານລ້ຽງອາຫານຄ່ຳເຮັດວຽກບໍ່ເປັນທາງການຂອງຜູ່ນຳອາຊຽນທີ່ຈັດຂຶ້ນໃນວັນທີ19ພະຈິກນີ້ໄດ້ປຶກສາຫາລືສະພາບການມຽນມາ.ໃນທ່ຽງຄືນມື້ດຽວກັນ,ທ່ານລີຊຽນລົງ ນາຍົກລັດຖະມົນຕີສິງກະໂປໄດ້ອອກຖະແຫຼງການໃນນາມເປັນປະເທດປະທານໝູນວຽນອາຊຽນໂດຍກ່າວວ່າ,ຜູ່ນຳອາຊຽນເຄົາລົບຫຼັກໝັ້ນຂອງລັດຖະບານມຽນມາ,ຫວັງວ່າລັດຖະບານມຽນມາກັບສະຫະພັນປະຊາທິປະໄຕທີ່ເປັນພັກຝ່າຍຄ້ານຈະດຳເນີນການເຈລະຈາຢ່າງມີຄວາມໝາຍເພື່ອສ້າງຄວາມປອງດອງຊາດ.
|
|
|
