|
ທ່ານເວີ່ນເຈ່ຍປາວເຂົ້າຮ່ວມກອງປະຊຸມສຸດຍອດຈີນອາຊຽນ
ຕາມຂ່າວCRI: ວັນທີ 20 ພະຈິກນີ້, ກອງປະຊຸມສຸດຍອດອາຊຽນຄັ້ງທີ 13, ກອງປະຊຸມສຸດຍອດອາຊຽນບວກ 3 ຄັ້ງທີ 11, ແລະກອງປະຊຸມສຸດຍອດອາຊຽນບວກໜຶ່ງໄດ້ຈັດຂຶ້ນຢູ່ສິງກະໂປ.
ທ່ານເວີ່ນເຈ່ຍປາວເຂົ້າຮ່ວມກອງປະຊຸມສຸດຍອດຈີນອາຊຽນ
ໃນກອງປະຊຸມສຸດຍອດອາຊຽນຄັ້ງທີ 13 , ຜູ້ນຳຂອງ 10 ປະເທດອາຊຽນໄດ້ເຊັນ"ກົດບັດອາຊຽນ", ນີ້ແມ່ນເອກະສານທີ່ມີພື້ນຖານຜູກພັນດ້ານກົດໝາຍໂດຍທົ່ວໄປສະບັບທຳອິດທີ່ມີຕໍ່ປະເທດສະມາຊິກນັບແຕ່ອາຊຽນສ້າງຕັ້ງມາໄດ້ 40 ປີ.
ໃນກອງປະຊຸມອາຊຽນ+3, ທ່ານເວີ່ນເຈ່ຍປາວໄດ້ສະເໜີເຈດຈຳນົງຂອງຝ່າຍຈີນກ່ຽວກັບການເພີ່ມະວີແລະລົງເລິກການຮ່ວມມືອາຊຽນ+3. ກອງປະຊຸມໄດ້ຜ່ານ"ຖະແຫຼງການຮ່ວມກ່ຽວກັບການຮ່ວມມືອາຊີຕາເວັນອອກ" ແລະແຜນການວຽກງານການຮ່ວມມືອາຊຽນ+3, ກ່າວເນັ້ນໃຫ້ຍຶດໝັ້ນບົດບາດນຳທາງຂອງອາຊຽນໃນການຮ່ວມມືຂອງພາກພື້ນຕົນແລະກົນໄກຮ່ວມມືທີ່ສຳຄັນຂອງອາຊຽນ+3. ຜູ້ນຳຂອງປະເທດຕ່າງໆທີ່ຮ່ວມປະຊຸມກ່າວວ່າ, ຄວນສືບຕໍ່ສະໜັບສະໜູນແລະຊຸກຍູ້ອາຊຽນເຊື່ອມໂຍງເຂົ້າກັນ, ຖືອາຊຽນ+3 ເປັນກົນໄກຮ່ວມມືສຳຄັນ, ກ້າວໄປຢູ່ຈຸດໝາຍຂອງປະຊາຄົມອາຊີຕາເວັນອອກ.
ໃນກອງປະຊຸມອາຊຽນ+1, ທ່ານເວີ່ນເຈຍປາວໄດ້ສະແດງວ່າ, ຝ່າຍຈີນຍິນດີກັບອາຊຽນເພີ່ມທະວີຄວາມໄວເນື້ອເຊື່ອໃຈກັນທາງການເມືອງ, ເພີ່ມທະວີການຮ່ວມມືເສດຖະກິດການຄ້າ, ເປີດກວ້າງການແລກປ່ຽນໃນຂົງເຂດສັງຄົມແລະວັດທະນະທຳ,ແລະການໄປມາຫາສູ່ກັນຂອງພະນັກງານ. ຜູ້ນຳປະເທດອາຊຽນໄດ້ເປັນເອກະສັນກັນຍ້ອງຍໍໃນລະດັງສູງຕໍ່ຄວາມຄືບໜ້າຫຼາຍຂອງການພົວພັນຄູ່ເຈລະຈາຈີນອາຊຽນ, ແລະການພົວພັນລະຫວ່າງປະເທດສະມາຊິກອາຊຽນກັບຈີນໄດ້ຂະຫຍາຍຕົວເປັນຢ່າງດີ.
|
