|
|
(GMT+08:00)
2007-11-21 14:33:51
|
|
ກອງປະຊຸມສາກົນກ່ຽວກັບສັນຕິພາບຕາເວັນອອກກາງຈະໄຂຂຶ້ນໃນວັນທີ27ພະຈິກນີ້
cri
ຕາມຂ່າວCRI,ວັນທີ20ພະຈິກນີ້,ກະຊວງການຕ່າງປະເທດອາເມລິກາໄດ້ປະກາດວ່າ,ກອງປະຊຸມສາກົນກ່ຽວກັບສັນຕິພາບຕາເວັນອອກກາງທີ່ອາເມລິກາເປັນເຈົ້າພາບນັ້ນຈະຈັດຂຶ້ນຢູ່ເມືອງອັນນາໂປລິສລັດແມລີແລນແຫ່ງອາເມລິກາໃນວັນທີ27ພະຈິກນີ້.
ຕາມທ່ານແດວິດເວສ໌ ຜູ່ຊ່ວຍລັດຖະມົນຕີການຕ່າງປະເທດອາເມລິກາທີ່ຮັບຜິດຊອບວຽກງານຕາເວັນອອກໃກ້ຢືນຢັນວ່າ,ກອງປະຊຸມເທື່ອນີ້ຈະມີນາງຄອນໂດລີຊາ ໄລສ ລັດຖະມົນຕີວ່າການກະຊວງການຕ່າງປະເທດອາເມລິກາເປັນປະທານ,ທ່ານຈອດຈ໌ບຸສ ປະທານາທິບໍດີອາເມລິກາຈະກ່າວປາຖະກະຖາໃນພິທີໄຂກອງປະຊຸມ.ທ່ານເອຮຸດໂອເມີດ ນາຍົກລັດຖະມົນຕີອິສຣາແອນແລະທ່ານມາຣ໌ ມຸດ ອັບບັສ ປະທານອົງການອຳນາດແຫ່ງຊາດປາເລັສຕິນຈະເຂົ້າຮ່ວມກອງປະຊຸມ,ນອກນີ້,ຜູ່ແທນຂອງປະເທດແລະອົງການຈັດຕັ້ງສາກົນຈຳນວນໜຶ່ງກໍຈະເຂົ້າຮ່ວມ.ມື້ດຽວກັນ,ປາເລັສຕິນແລະອິສຣາແອນຕ່າງກໍ່ໄດ້ຢືນຢັນວ່າໄດ້ຮັບຄຳ ເຊີນຈາກຝ່າຍອາເມລິກາແລ້ວ.
ວັນທີ20ພະຈິກນີ້,ຝ່າຍຕ່າງໆທີ່ກ່ຽວຂ້ອງກ່າວວ່າຫວັງຢາກໃຫ້ກອງປະຊຸມເທື່ອນີ້ໄດ້ຮັບຜົນສຳເລັດເປັນຢ່າງດີ.
ນອກນີ້,ຂ່າວແຈ້ງວ່າ,ມື້ດຽວກັນ,ທ່ານເອຮຸດໂອເມີດ ນາຍົກລັດຖະມົນຕີອິສຣາແອນຊີ້ອອກວ່າ,ການປະຕິບັດສັນຍາສັນຕິພາບໃດໆທີ່ຕົກລົງກັນໃນອະນາຄົດລ້ວນແຕ່ຕ້ອງມີເງື່ອນໄຂພຽງພໍດັ່ງນີ້ຄື,ອົງການອຳນາດແຫ່ງຊາດປາເລັສຕິນຄວບຄຸມແຖບກາຊາຄືນອີກ,ຄຳໝັ້ນສັນຍາໃນແຜນການເສັ້ນທາງສັນຕິພາບຕາເວັນອອກກາງໄດ້ຮັບການປະຕິບັດໝົດ.
|
|
|