|
|
 |
| (GMT+08:00)
2007-11-26 18:27:07
|
 |
|
ຜູ່ຊ່ຽວຊານການບິນອະວະກາດຂອງຣັດເຊຍອາເມລິກາແລະຍີ່ປຸ່ນຊົມເຊີຍຈີນສຳຫຼວດດວງຈັນຢ່າງສຳເລັດຜົນ
cri
ຕາມຂ່າວCRI,ວັນທີ26ພະຈິກນີ້,ຈີນໄດ້ເປີດເຜີຍຮູບຖ່າຍດວງຈັນທີ່ຖ່າຍໂດຍດາວທຽມ"ສາງເອີເລກໜຶ່ງ"ທີ່ເປັນດາວທຽມສຳຫຼວດດວງຈັນໜ່ວຍທຳອິດຂອງຈີນຢ່າງເປັນທາງການ,ຜູ່ຊ່ຽວຊານການບິນອະວະກາດຂອງປະເທດຕ່າງໆເຊັ່ນຣັດເຊຍ,ອາເມລິກາແລະຍີ່ປຸ່ນໄດ້ພາກັນສະແດງຄວາມຊົມເຊີຍ.
ໃນເວລາໃຫ້ສຳພາດຕໍ່ນັກຂ່າວ,ທ່ານກັອກກີ ໂປລິສຊຸກ ວິສາວະກອນໃຫຍ່ຂອງໂຄງການສຳຫຼວດດວງຈັນຣັດເຊຍກ່າວວ່າ,ຈີນໄດ້ສົ່ງນັກບິນອະວະກາດຂຶ້ນສູ່ອະວະກາດ,ເຊິ່ງເປັນຂີດໝາຍສະແດງໃຫ້ເຫັນວ່າຈີນໄດ້ກາຍເປັນປະເທດໃຫຍ່ດ້ານການບິນອະວະກາດ,ສ່ວນຄວາມສຳເລັດຜົນຂອງໂຄງການດາວທຽມ"ສາງເອີເລກໜຶ່ງ"ໄດ້ໄຂສັງກາດໃໝ່ແຫ່ງພາລະກິດການບິນອະວະກາດຂອງຈີນ.
ທ່ານມາຍເຄິນບຼູຄຸສ ເຈົ້າໜ້າທີ່ທີ່ຮັບຜິດຊອບວຽກງານທົ່ວໄປຂອງອົງການການບິນອະວະກາດອາເມລິກາກ່າວວ່າ,ໂຄງການສຳຫຼວດດວງຈັນຂອງຈີນໄດ້ຮັບຜົນສຳເລັດແມ່ນຜົນສຳເລັດທີ່ສຳຄັນທີ່ສຸດ,ນັກວິທະຍາສາດທົ່ວໂລກລ້ວນແຕ່ຈະມີຄວາມສົນໃຈທີ່ສຸດຕໍ່ຂໍ້ມູນໃໝ່ທີ່ດາວທຽມ"ສາງເອີເລກໜຶ່ງ"ໄດ້ຈາກດວງຈັນ.
ທ່ານນາຄາໂທມີ ໂນບູໂອ ນັກວິເຄາະວິສາວະກຳການບິນອະວະກາດຍີ່ປຸ່ນກ່າວວ່າ,ຄວາມສຳເລັດຜົນຂອງດາວທຽມ"ສາງເອີເລກໜຶ່ງ"ເຮັດໃຫ້ຄວາມສາມາດຕົວຈິງດ້ານການບິນອະວະກາດຂອງຈີນໄດ້ຍົກສູງຂຶ້ນຢ່າງຫຼວງຫຼາຍ,ການພັດທະນາດ້ານການບິນອະວະກາດເຊິ່ງລວມທັງໂຄງການສຳຫຼວດດວງຈັນຈະຊຸກຍູ້ການພັດທະນາວິທະຍາສາດເຕັກນິກຂອງຈີນ.
|
|
|
