|
ຜູ້ວ່າການທະນາຄານກາງເອີລົບກ່າວວ່າ ການຄ້າເອີລົບຈີນມີຜົນດີຕໍ່ການຫຼຸດຄວາມກົດດັນດ້ານໄພເງິນເຟີ້ຂອງສະຫະພາບເອີລົບ
cri
Author: mo
ຕາມຂ່າວສານຊີນຮວາ: ກ່ອນການພົບປະຂອງຜູ້ນຳຈີນເອີລົບຄັ້ງທີ 10 ທີ່ຈະຈັດຂຶ້ນຢູ່ປັກກິ່ງ, ຫວ່າງມໍ່ໆນີ້, ທ່ານຊັງ ຄລູດ ທຣີເຊັດ ຜູ້ວ່າການທະນາຄານກາງເອີລົບໄດ້ກ່າວຄຳປາໄສໃນກອງປະຊຸມການຄ້າຈີນເອີລົບທີ່ຈັດຂຶ້ນຢູ່ແຟຣັງເຟີດແຫ່ງເຢຍລະມັນ, ທ່ານກ່າວວ່າ, ການຄ້າເອີລົບຈີນມີຜົນດີຕໍ່ການຫຼຸດຄວາມກົດດັນທາງເງິນເຟີ້ທີ່ແອບແຝງຂອງສະຫະພາບເອີລົບ.
ທ່ານທຣີເຊັດກ່າວວ່າ, ການຄ້າເອີລົບຈີນເຕີບໂຕຢ່າງວ່ອງໄວບໍ່ພພຽງແຕ່ມີຜົນດີຕໍ່ຜູ້ບໍລິໂພກຂອງສະຫະພາບເອີລົບທໍ່ນັ້ນ, ຍັງໄດ້ນຳເອົາຜົນປະໂຫຍດສຳຄັນມາໃຫ້ເສດຖະກິດຂອງສະຫະພາບເອີລົບທັງໝົດ. ທ່ານຊີ້ອອກວ່າ, ຈີນສົ່ງສິນຄ້າໄປສະຫະພາບເອີລົບເພີ່ມຂຶ້ນມີຜົນດີຕໍ່ການຫຼຸດຜ່ອນຄວາມກົດດັນຂອງໄພເງິນເຟີ້ທີ່ແອບແຝງໃນສະຫະພາບເອີລົບ. ທ່ານຄາດວ່າ, ໃນລະຫວ່າງປີ 1995 ຫາປີ 2004, ການນຳເຂົ້າສິນຄ້າຂອງຈີນອາດຈະເຮັດໃຫ້ລາຄານຳເຂົ້າຜະລິດພະພັນອຸດສາຫະກຳຂອງສະຫະພາບເອີລົບຫຼຸດລົງ 1% ຕໍ່ປີ.
|
|
