|
|
 |
| (GMT+08:00)
2007-11-27 17:33:12
|
 |
|
ທ່ານຢາງເຈສືພົບປະທ່ານພໍເຊີນ ລັດຖະມົນຕີວ່າການກະຊວງການເງິນອາເມລິກາ
cri
Author: mo
ຕາມຂ່າວCRI: ວັນທີ 26 ພະຈິກນີ້, ຢູ່ວໍຊິງຕັນ ນະຄອນຫຼວງອາເມລິກາ ທ່ານຢາງເຈສື ລັດຖະມົນຕີວ່າການກະຊວງການຕ່າງປະເທດຈີນໄດ້ພົບປະທ່ານພໍເຊີນ ລັດຖະມົນຕີວ່າການກະຊວງການເງິນອາເມລິກາ, ສອງຝ່າຍໄດ້ແລກປ່ຽນຄວາມເຫັນກ່ຽວກັບການພົວພັນຈີນອາເມລິກາ.
ທ່ານຢາງເຈສືກ່າວວ່າ, ໃຕ້ຄວາມພະຍາຍາມຮ່ວມຂອງສອງຝ່າຍ, ການພົວພັນຈີນອາເມລິກາໄດ້ຮັກສາທ່ວງທ່າພັດທະນາທີ່ກ້າວໄປໜ້າ, ການແລກປ່ຽນແລະການຮ່ວມມືຂອງສອງປະເທດໃນຂົງເຂດສຳຄັນໄດ້ກ້າວສູ່ລວງເລິກຢ່າງບໍ່ຢຸດຢັ້ງ. ທ່ານກ່າວວ່າ, ການສົນທະນາເສດຖະກິດຍຸດທະສາດຈີນອາເມລິກາຄັ້ງທີ 3 ຈະຈັດຂຶ້ນຢູ່ປັກກິ່ງ, ການສົນທະນາເທື່ອນີ້ມີຄວາມໝາຍສຳຄັນຕໍ່ການຂະຫຍາຍການພົວພັນສອງປະເທດໃນປີໜ້າຫຼືວ່າໄລຍະດົນນານກວ່ານັ້ນ, ຝ່າຍຈີນໃຫ້ຄວາມສຳຄັນຫຼາຍຕໍ່ເລື່ອງນີ້, ຍິນດີພະຍາຍາມຮ່ວມກັບອາເມລິກາເພື່ອຮັບປະກັນໃຫ້ການສົນທະນາໄດ້ຮັບຜົນສຳເລັດເປັນຢ່າງດີ.
ທ່ານພໍເຊີນກ່າວວ່າ, ອາເມລິກາຍິນດີລົງເລິກຄົ້ນຄວ້າກັບຝ່າຍຈີນກ່ຽວກັບບັນຫາສຳຄັນແລະມີລັກສະນະຍຸດທະສາດ, ສະແຫວງຫາການເພີ່ມທະວີການຮ່ວມມືຕື່ມອີກໃນຂົງເຂດທີ່ສອງຝ່າຍມີຜົນປະໂຫຍດຮ່ວມກັນໃຕ້ຂອບເຈລະຈາເສດຖະກິດຍຸດທະສາດອາເມລິກາຈີນ.
|
|
|
