|
|
 |
| (GMT+08:00)
2007-11-27 18:01:16
|
 |
|
ສະພາຕ່ຳຟິລິບປິນຢັບຢັ້ງການກ່າວຟ້ອງທີ່ກ່າວໂທດປະທານາທິບໍດີອາໂລໂຢ
cri
ຕາມຂ່າວສານຊິນຮວາ,ຕອນຄ່ຳວັນທີ26ພະຈິກນີ້,ສະພາຕ່ຳຟິລິບປິນໄດ້ລົງຄະແນນສຽງຢັບຢັ້ງຍັດຕິກ່າວໂທດປະທານາທິບໍດີໂກຼເລຍອາໂລໂຢຢ່າງຂາດຂັ້ນ.
ໃນກອງປະຊຸມຄົບຄະນະສະພາຕ່ຳຟິລິບປິນທີ່ຈັດຂຶ້ນໃນຕອນຄ່ຳວັນທີ26ພະຈິກນີ້,ສະມາຊິກສະພາຕ່ຳເກືອບ200ຄົນໄດ້ປ່ອນບັດລົງມະຕິວ່າຈະອີງຕາມຂໍ້ສະເໜີຂອງຄະນະກຳມະການຕຸລາການສະພາຕ່ຳເພື່ອປະຕິເສດຄຳຮ້ອງຂໍໃຫ້ກ່າວໂທດນາງອາໂລໂຢຫຼືບໍ່?ໃນທີ່ສຸດ,ສະພາຕ່ຳໄດ້ຢັບຢັ້ງຍັດຕິກ່າວໂທດດັ່ງກ່າວດ້ວຍ184ບັດເຫັນດີ,1ບັດຄັດຄ້ານແລະບໍ່ອອກສຽງ1ບັດ.
ຍັດຕິກ່າວໂທດເທື່ອນີ້ແມ່ນກ່າວຟ້ອງນາງອາໂລໂຢສວຍໃຊ້ສິດຕຳແໜ່ງປະທານາທິບໍດີສັ່ງໃຫ້ພາກສ່ວນທີ່ກ່ຽວຂ້ອງຮັບຮອງໂຄງການເຄືອຂ່າຍອິນເທີເນັດສາຍກວ້າງແຫ່ງລັດທີ່ກ່ຽວພັນເຖິງການສໍ້ລາດບັງຫຼວງ,ອັນໄດ້ຝ່າຝືນຄວາມເຊື່ອໝັ້ນຂອງມວນຊົນ.ມື້ດຽວກັນ,ສະພາຕ່ຳຟິລິບປິນໄດ້ອອກຖະແຫຼງຂ່າວວ່າ,ກອງປະຊຸມຄົບຄະນະສະພາຕ່ຳເຫັນວ່າ,ເນື້ອໃນຍັດຕິກ່າວໂທດແມ່ນບໍ່ມີຂໍ້ມູນພຽງພໍ,ສະນັ້ນ,ການກ່າວໂທດແມ່ນບໍ່ມີບ່ອນອີງ.
|
|
|
