|
|
 |
| (GMT+08:00)
2007-11-27 18:05:52
|
 |
|
ຫວຽດນາມບໍ່ເຫັນດີຕໍ່ການຢຸດຄ້າຂາຍກັບມຽນມາ
cri
ຕາມຂ່າວສານຊິນຮວາ,ວັນທີ26ພະຈິກນີ້,ໃນເວລາພົບປະກັບທ່ານອິບຼາຮິມກຳບາຣີ ທູດພິເສດບັນຫາມຽນມາຂອງເລຂາທິການໃຫຍ່ສະຫະປະຊາຊາດທີ່ໄປຢ້ຽມຢາມ,ທ່ານຫງວຽນເຕິນຢຸງ ນາຍົກລັດຖະມົນຕີຫວຽດນາມກ່າວວ່າ,ຫວຽດນາມເຫັນວ່າບໍ່ຄວນຢຸດຄ້າຂາຍກັບມຽນມາແລະໂດດດ່ຽວມຽນມາ.
ທ່ານຫງວຽນເດິນຢຸງກ່າວວ່າ,ການປະຕິບັດນະໂຍບາຍຢຸດຄ້າຂາຍແລະເຮັດໃຫ້ມຽນມາດໂດດດ່ຽວມີແຕ່ຈະນຳເອົາຄວາມເຈັບປອດມາໃຫ້ປະຊາຊົນມຽນມາໂດຍສະເພາະແມ່ນແມ່ຍິງແລະເດັກນ້ອຍເທົ່ານັ້ນ.ການແກ້ໄຂບັນຫາມຽນມາຄວນປະຕິບັດໄປພ້ອມກັບການແກ້ໄຂບັນຫາອື່ນໆ,ໃນນັ້ນ,ການແກ້ໄຂບັນຫາຄວາມທຸກຍາກແມ່ນພື້ນຖານ,ສະນັ້ນ,ສະຫະປະຊາຊາດພວມກຽມຈະດຳເນີນການຮ່ວມມືກັບມຽນມາກ່ຽວກັບບັນຫານີ້.ໃນການແກ້ໄຂບັນຫາມຽນມາ,ສະຫະປະຊາຊາດມີຫຼັກໝັ້ນທີ່ຄ້າຍຄືກັນທີ່ສຸດກັບຫວຽດນາມ.ຫວຽດນາມຫວັງຢາກສືບຕໍ່ຮ່ວມມືກັບສະຫະປະຊາຊາດເພື່ອແກ້ໄຂບັນຫາມຽນມາໃຫ້ດີກວ່າເກົ່າ.
ວັນທີ23ພະຈິກນີ້,ທ່ານກຳບາຣີໄດ້ເດີນທາງໄປຮອດຮ່າໂນຍດຳເນີນການຢ້ຽມຢາມເປັນເວລາ5ວັນ.ຈຸດປະສົງຕົ້ນຕໍແມ່ນເພື່ອແລກປ່ຽນຄວາມເຫັນກ່ຽວກັບບັນຫາມຽນມາກັບປະເທດສາມາຊິກອາຊຽນ.
|
|
|
