|
|
 |
| (GMT+08:00)
2007-11-28 18:01:51
|
 |
|
ກ່ຳປັ່ນລົບຈີນຢ້ຽມຢາມມິດຕະພາບຕໍ່ຍີ່ປຸ່ນເປັນເທື່ອທຳອິດ
cri
ຕາມຂ່າວCRI,ກ່ຳປັ່ນທຳລາຍບັນຈຸລູກສອນໄຟນຳວິຖີຊື່"ເສິ່ນເຈິ້ນ"ຂອງກອງທັບປົດປ່ອຍປະຊາຊົນຈີນໄດ້ໄປຮອດໂຕກຽວໃນຕອນເຊົ້າວັນທີ28ພະຈິກນີ້,ເລີ່ມຢ້ຽມຢາມມິດຕະພາບຕໍ່ຍີ່ປຸ່ນເປັນເວລາ4ວັນ.ນີ້ແມ່ນກ່ຳປັ່ນລົບຂອງກອງທັບເຮືອຈີນຢ້ຽມຢາມຍີ່ປຸ່ນເປັນເທື່ອທຳອິດ.
ພົນເອກໂຢຊີຄາວາ ເອອິຈິ ເສນາທິການໃຫຍ່ກອງປ້ອງກັນຕົວເທິງທະເລຍີ່ປຸ່ນກ່າວຄຳຕ້ອນຮັບວ່າ,ກ່ຳປັ່ນລົບຈີນຢ້ຽມຢາມຍີ່ປຸ່ນເທື່ອທຳອິດໄດ້ເປີດສັງກາດໃໝ່ແຫ່ງການແລກປ່ຽນໃນຂົງເຂດປ້ອງກັນລະຫວ່າງສອງປະເທດ,ມີຜົນດີຕໍ່ການເພີ່ມຄວາມໄວ້ເນື້ອເຊື່ອໃຈກັນແລະມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງຍີ່ປຸ່ນຈີນ.
ໃນເວລາກ່າວຄຳປາໄສ,ທ່ານຊຸ່ຍທ່ຽນຄາຍ ເອກອັກຄະລັດຖະທູດຈີນປະຈຳຍີ່ປຸ່ນກ່າວວ່າ,ກອງທະຫານຈີນແມ່ນກອງທະຫານທີ່ຮັກຫອມສັນຕິພາບແລະກອງທະຫານທີ່ມີຄວາມສິວິໄລ,ຫວັງວ່າປະຊາຊົນຍີ່ປຸ່ນຜ່ານການທຳຄວາມເຂົ້າໃຈຢ່າງເລິກເຊິ່ງກັບນາຍແລະພົນທະຫານຈີນ,ເພື່ອຊອກຮູ້ໂສມໜ້າໃໝ່ຂອງກອງທັບຈີນແລະທະຫານຈີນ,ຊອກຮູ້ການພັດທະນາແລະຄວາມກ້າວໜ້າຢ່າງບໍ່ຢຸດຢັ້ງຂອງຈີນ.
|
|
|
