|
|
 |
| (GMT+08:00)
2007-11-30 18:23:04
|
 |
|
ເວທີປຶກສາຫາລືການພັດທະນາຕິເບດຈີນຄັ້ງທຳອິດຈັດຂຶ້ນຢູ່ວຽນ
cri
ຕາມຂ່າວCRI, ເວທີປຶກສາຫາລືການພັດທະນາຕິເບດຈີນຄັ້ງທຳອິດໄດ້ຈັດຂຶ້ນຢູ່ວຽນ ນະຄອນຫຼວງໂອຕຼີສໃນວັນທີ29ພະຈິກນີ້.ນີ້ແມ່ນເທື່ອທຳອິດທີ່ຫ້ອງການຖະແຫຼງຂ່າວລັດຖະບານຈີນແລະສະມາຄົມສົ່ງເສີມການພົວພັນເສດຖະກິດໂອຕຼີສຈີນຂອງໂອຕຼີສຮ່ວມກັນເປັນເຈົ້າພາບຈັດເວທີປຶກສາຫາລືວິຊາການທີ່ມີຫົວຂໍ້ກ່ຽວກັບການພັດທະນາຂອງຕິເບດ.
ຜູ່ແທນວົງການການເມືອງ,ເສດຖະກິດ,ວັດທະນະທຳ,ການສຶກສາແລະສາທາລະນະສຸກຂອງຈີນແລະໂອຕຼີສລວມ200ກວ່າຄົນໄດ້ເຂົ້າຮ່ວມ.ໃນຈົດໝາຍອວຍພອນ,ທ່ານມິແຊນ ສປິນເດເລັກເກີ ຮອງປະທານຜູ່ທີໜຶ່ງຂອງລັດຖະສະພາໂອຕຼີສໄດ້ຂຽນວ່າ,ເວທີປຶກສາຫາລືການພັດທະນາຕິເບດຈີນຈະເຮັດໃຫ້ຊາວຕິເບດທີ່ຢູ່ໂອຕຼີສຮູ້ສຶກທະນົງຕົວ,ແລະປະກອບສ່ວນເຂົ້າໃນການຊຸກຍູ້ປະຊາຊົນສອງປະເທດເຂົ້າໃຈກັນແລະແລກປ່ຽນຄວາມເຫັນກັນ.
ໃນເວທີປຶກສາຫາລືຈະດຳເນີນເປັນເວລາ2ວັນ,ຜູ່ທີ່ຮ່ວມປະຊຸມຈະລົງເລິກຫາລືບັນຫາຕ່າງໆຂອງຕິເບດເຊັ່ນຮູບແບບການພັດທະນາ,ການພັດທະນາວັດທະນະທຳກັບການອະນຸລັກວັດຖຸບູຮານ,ການແພດແລະຢາຕິເບດ,ການທ່ອງທ່ຽວ,ການອະນຸລັກສິ່ງແວດລ້ອມແລະການກໍ່ສ້າງພື້ນຖານໂຄງລ່າງເປັນຕົ້ນ.
|
|
|
