|
|
 |
| (GMT+08:00)
2007-12-03 15:58:35
|
 |
|
ຜູ່ແທນຈີນແລະຫວຽດນາມຄົ້ນຄວ້າຫາລືມາດຕະການອັນບັງເກີດຜົນເພື່ອຊຸກຍູ້ການກໍ່ສ້າງ"2ປະຕູ1ວົງ"
cri
Author: da
ຕາມຂ່າວສານຊິນຮວາ: ວັນທີ2ທັນວານີ້ ນັກວິຊາການແລະຜູ່ແທນລັດຖະບານຈີນແລະຫວຽດນາມເຕົ້າໂຮມກັນຢູ່ຊາປາ ແຫຼ່ງທ່ອງທ່ຽວທີ່ມີຊື່ສຽງທາງພາກເໜືອຫວຽດນາມ,ເພື່ອຮ່ວມກັນຄົ້ນຄວ້າມາດຕະການອັນບັງເກີດຜົນເພື່ອຊຸກຍູ້ການກໍ່ສ້າງ"2ປະຕູເສດຖະກິດແລະ1ວົງເສດຖະກິດ".
ຜູ່ແທນທີ່ຮ່ວມປະຊຸມຊີ້ອອກວ່າ,ຈີນຫວຽດນາມຄວນເພີ່ມທະວີການຮ່ວມມືໃນຂົງເຂດພື້ນຖານໂຄງລ່າງ ການທະນາຄານ ດ່ານພາສີ ໂທລະຄົມ ໄຟຟ້າແລະຊັບພະຍາກອນມະນຸດ.ໃນນັ້ນ ການປັບປຸງການກໍ່ສ້າງພື້ນຖານໂຄງລ່າງ ໂດຍສະເພາະແມ່ນເລັ່ງລັດກໍ່ສ້າງຕາໜ່າງທາງຫຼວງແລະທາງລົດໄຟແມ່ນສຳຄັນທີ່ສຸດ.ນອກນີ້,ສອງຝ່າຍຍັງຄວນກຳນົດຂົງເຂດຮ່ວມມືຈຸດໜັກໂດຍໄວແລະເພີ່ມທະວີການສ້າງຊັບພະຍາກອນມະນຸດ,ຫ້າງຫາເງິນທຶນຫຼາຍກວ່າເກົ່າໃຫ້ແກ່ການກໍ່ສ້າງພື້ນຖານໂຄງລ່າງ.
"2ປະຕູເສດຖະກິດແລະ1ວົງເສດຖະກິດ"ແມ່ນມາດຕະການຍຸດທະສາດທີ່ຈີນຫວຽດນາມສະເໜີອອກເພື່ອຊຸກຍູ້ການຮ່ວມມືເສດຖະກິດລະຫວ່າງສອງຝ່າຍ. ສອງປະຕູແມ່ນເສດຖະກິດທີ່ຖືເສັ້ນທາງຈາກຄຸນມິງຫາຮ່າໂນ້ຍແລະຈາກນານນິງຫາຮ່າໂນ້ຍເປັນໃຈກາງ,ວົງເສດຖະກິດໜຶ່ງແມ່ນວົງເສດຖະກິດຢູ່ບໍລິເວນອ້ອມອ່າວພາກເໜືອຈີນຫວຽດນາມ.
|
|
|
