|
ຜູ້ແທນຈີນກ່າວວ່າ, ການຮັບມືກັບການປ່ຽນແປງຂອງດິນຟ້າອາກາດຄວນປະຕິບັດຕາມຫຼັກການ"ໜ້າທີ່ຮັບຜິດຊອບຮ່ວມກັນແຕ່ມີຄວາມແຕກຕ່າງກັນ"
cri
Author: MO
ຕາມຂ່າວCRI: ວັນທີ 3 ທັນວານີ້, ໃນກອງປະຊຸມກ່ຽວກັບການປ່ຽນແປງຂອງດິນຟ້າອາກາດຂອງສະຫະປະຊາຊາດທີ່ໄຂຂຶ້ນຢູ່ເກາະບາຫຼີແຫ່ງອິນໂດເນເຊຍ, ທ່ານຊູ່ເວີຍ ຮອງຫົວໜ້າຄະນະຜູ້ແທນຈີນກ່າວວ່າ, ລັດຖະບານຈີນເຫັນວ່າ, ການຮັບມືກັບການປ່ຽນແປງຂອງດິນຟ້າອາກາດຄວນສືບຕໍ່ປະຕິບັດຕາມຫຼັກການ"ໜ້າທີ່ຮັບຜິດຊອບທີ່ຮ່ວມກັນແຕ່ມີຄວາມແຕກຕ່າງກັນ"ເຊິ່ງກຳນົດໄວ້ໃນ"ສົນທິສັນຍາຂອບການປ່ຽນແປງຂອງດິນຟ້າອາກາດສະຫະປະຊາຊາດ", ແກ້ໄຂບັນຫາເງິນທຶນແລະເຕັກນິກທີ່ປະເທດພວມພັດທະນາສົນໃຈນັ້ນຢ່າງແທ້ຈິງ.
ທ່ານຊູເວີຍກ່າວວ່າ, ເພື່ອໃຫ້ສັງຄົມມະນຸດຫຼີກເວັ້ນຜົນຮ້າຍຢ້ອນຫຼັງຂອງການປ່ຽນແປງຂອງດິນຟ້າອາກາດ, ກອງປະຊຸມບາຫຼີຄວນເລີ່ມຫາລືໃນທັນທີກ່ຽວກັບການເຮັດແນວໃດເພີ່ມທະວີການຮ່ວມມືລະຫວ່າງຊາດພາຍໃຕ້ຂອບສົນທິສັນຍາແລະອະນຸສັນຍາກຽວໂຕ, ແລະກ້າວເຖິງຂັ້ນຕົກລົງກັນກ່ຽວກັບຕົວເລກຄາດໝາຍຂອງການຫຼຸດການລະບາຍອາຍເຮືອນແກ້ວຂອງປະເທດທີ່ພັດທະນາແລ້ວ.
ຜູ້ແທນຈີນເຫັນວ່າ, ປະລິມານການລະບາຍອາຍເຮືອນແກ້ວຂອງປະເທດທີ່ພັດທະນາແລ້ວໃນປີ 2020 ຄວນຫຼຸດການລະບາຍແຕ່ 25% ຫາ 40% ບົນພື້ນຖານໃນປີ 1990.
|
|
