|
ມູນນິທິທຳມະຊາດຂອງໂລກຮຽກຮ້ອງປະເທດທີ່ພັດທະນາແລ້ວໃຊ້ມາດຕະການຫຼາຍກວ່າເກົ່າເພື່ອຮັບມືກັບການປ່ຽນແປງຂອງດິນຟ້າອາກາດ
cri
Author: mo
ຕາມຂ່າວCRI: ວັນທີ 4 ທັນວານີ້,ຢູ່ເກາະບາຫຼີແຫ່ງອິນໂດເນເຊຍ, ມູນນິທິທຳມະຊາດຂອງໂລກຮຽກຮ້ອງໃຫ້ປະເທດທີ່ພັດທະນາແລ້ວໃຊ້ມາດຕະການຫຼາຍກວ່າເກົ່າເພື່ອຮັບມືກັບການປ່ຽນແປງຂອງດິນຟ້າອາກາດ.
ທ່ານຮານສ໌ ເວໂລມ ຫົວໜ້າໂຄງການການປ່ຽນແປງຂອງດິນຟ້າອາກາດທົ່ວໂລກຂອງມູນນິທິທຳມະຊາດຂອງໂລກຊີ້ອອກວ່າ, ຜົນສະທ້ອນທາງລົບຂອງການປ່ຽນແປງຂອງດິນຟ້າອາກາດໄດ້ກະທົບເຖິງທົ່ວໂລກ, ປັດຈຸບັນ, ສະພາບອັນຕະລາຍກວ່າໝູ່ແມ່ນປະເທດທີ່ພວມພັດທະນາ, ເຂດສ່ວນຫຼາຍຂອງອາຊີແລະອາຟຼິກາລ້ວນແຕ່ປະເຊີນຄວາມອັນຕະລາຍ. ມູນນິທິທຳມະຊາດໂລກເຫັນວ່າ, ປະເທດທີ່ພັດທະນາແລ້ວຕ້ອງຫາບແບກໜ້າທີ່ຮັບຜິດຊອບຫຼຸດການລະບາຍອາຍເຮືອນແກ້ວຫຼາຍກວ່າເກົ່າ.
ອົງການມູນນິທິທຳມະຊາດໂລກຍັງຊີ້ອອກວ່າ, ເກາະບາຫຼີທີ່ສວຍງາມ ເຊິ່ງເປັນບ່ອນຈັດກອງປະຊຸມການປ່ຽນແປງຂອງດິນຟ້າອາກາດສະຫະປະຊາຊາດປີ 2007 ພວມປະເຊີນການຂົ່ມຂູ່ຕ່າງໆເຊັ່ນນ້ຳທະເລອຸ່ນຂຶ້ນ, ໜ້ານ້ຳທະເລສູງຂຶ້ນ, ແລະອາກາດຮ້າຍແຮງເກີດຂຶ້ນເລື້ອຍໆເປັນຕົ້ນ.
|
|
