|
ທ່ານພໍເຊີນກ່າວວ່າ, ການສົນທະນາເສດຖະກິດຍຸດທະສາດອາເມລິກາຈີນເຮັດໃຫ້ການພົວພັນສອງປະເທດໝັ້ນຄົງກວ່າເກົ່າ
cri
Author: MO
ຕາມຂ່າວສານຊີນຮວາ: ວັນທີ 5 ທັນວານີ້, ທ່ານເຮັນຣີ ພໍເຊີນ ລັດຖະມົນຕີວ່າການກະຊວງການເງິນອາເມລິກາກ່າວວ່າ, ການສົນທະນາເສດຖະກິດຍຸດທະສາດອາເມລິກາຈີນດຳເນີນ 1 ປີມານີ້ໄດ້ຮັບໝາກຜົນອຸດົມສົມບູນ, ຜ່ານກົນໄກສົນທະນາດັ່ງກ່າວນີ້, ສອງປະເທດໄດ້ສ້າງຊ່ອງທາງແລກປ່ຽນທີ່ມີລັກສະນະສ້າງສັນ, ແລະຊຸກຍູ້ໃຫ້ການພົວພັນສອງປະເທດໝັ້ນຄົງກວ່າເກົ່າ.
ໃນເວລາທ່ານພໍເຊີນກ່າວຄຳປາໄສຢູ່ສະມາຄົມອາຊີຂອງອາເມລິກາ, ທ່ານກ່າວວ່າ, ຜ່ານການສົນທະນາເສດຖະກິດຍຸດທະສາດ, ອາເມລິກາຈີນທັງສອງຝ່າຍໄດ້ຮັບໝາກຜົນລະອຽດແລະມີຄວາມໝາຍສຳຄັນຢ່າງຫຼວງຫຼາຍ, ຕົວຢ່າງຄື: ສອງຝ່າຍໄດ້ເຊັນສັນຍາການບິນ, ແລະຕົກລົງດຳເນີນການຮ່ວມມືໃນບັນຫາຄວາມປອດໄພຂອງພະລັງງານແລະການອະນຸລັກສິ່ງແວດລ້ອມເປັນຕົ້ນ, ທ່ານເຊື່ອວ່າ, ໃນອະນາຄົດ, ສອງຝ່າຍຍັງຈະໄດ້ຮັບໝາກຜົນຫຼາຍກວ່າເກົ່າ.
ຕາມສັນຍາທີ່ກ່ຽວຂ້ອງຂອງຈີນອາເມລິກາ, ການສົນທະນາເສດຖະກິດຍຸດທະສາດຄັ້ງທີ 3 ຈະຈັດຂຶ້ນຢູ່ປັກກິ່ງແຕ່ວັນທີ 12 ຫາວັນທີ 13 ທັນວານີ້.
|
|
