ຕາມ​ຂ່າວສານ​ຈີນ:ວັນ​ທີ6​ທັນວາ​ນີ້,ຢູ່​ທີ່​ບາງ​ກອກ,ນາງ​ຊູ​ດີ​ມາ ຫົວໜ້າ​ກົມ​ການ​ເຈລະຈາ​ການ​ຄ້າ​ສາກົນ​ກະຊວງ​ການ​ຄ້າ​ໄທ​​ເຜີຍ​ໃຫ້​ຮູ້​ວ່າ,ນັບ​ແຕ່​ໄທ​ກັບ​ຈີນ​ເລິ່ມປະຕິບັດ​ມາດ​ຕະການ​ຫຼຸດ​ພາສີ​ການ​ຄ້າ​ຜັກ​​ແລະ​ໝາກ​ໄມ້​ສອງ​ຝ່າຍພາຍ​ໃຕ້​ຂອບ​ສັນຍາ​ເຂດ​ການ​ຄ້າ​ເສລີ​ອາຊ​ຽນ-ຈີນໃນ​ປີ2003ມາ​ນີ້,ມູນ​ຄ່າ​ການ​ຄ້າ​ຂອງ​ສິນຄ້າ​ສອງ​ຊະນິດ​ດັ່ງກ່າວ​ລະ​ຫວ່າງ​ໄທ​ກັບ​ຈີນ​ສືບ​ຕໍ່​ຮັກສາ​ທ່ວງທ່າ​ເພິ່ມຂຶ້ນ​ຢ່າງ​ຫຼວງ​ຫຼາຍ,​ໄທ​ແມ່ນ​ໄດ້​ປຽບ​ດຸນ​ການ​ຄ້າ​ໃນ​ດ້ານ​ນີ້.

ນາງ​ຊູ​ດີ​ມາ​ກ່າວ​ວ່າ,​ໃນ​ດ້ານ​ຜັກ​ສົດ,​ໃນ​ໄລຍະ​ປີ2004​ຫາ​ປີ2006,ກາ​ນສົ່ງ​ອອກ​ຕໍ່​ຈີນ​ຂອງ​ໄທ​ສູງ​ຮອດ​41,2%,​ແລະ​ການ​ນຳ​ເຂົ້າ​ຈາກ​ຈີນແມ່ນ​30,15%.ພືດ​ຜັກ​ທີ່​​ໄທ​ສົ່ງ​​ໄປຈີນ​ຕົ້ນຕໍແມ່ນ​ມັນ​ຕົ້ນ,ສິນ​ຄ້າ​ນຳ​ເຂົ້າ​ສ່ວນ​ຫຼາຍ​ແມ່ນ,ຫົວ​ກາ​ຫຼົດ,​ເຫັດ​ແຫ້ງ,ຫົວ​ຜັກທຽມ​ແລະ​ຜັກ​ບົ່ວ.

ໃນ​ດ້ານ​ໝາກ​ໄມ້,ສອງ​ປີ​ມາ​ນີ້,​ໄທສົ່ງ​ອອກ​​ໃຫ້​ຈີນ16,81%​ແລະ​ນຳ​ເຂົ້າ​ຈາກ​ຈີນ​30,65%.ໝາກ​ໄມ້​ທີ່​ໄທ​ສົ່ງ​ອອກ​ຈີນ​ຕົ້ນຕໍ​ແມ່ນ​ໝາກ​ທຸລຽນ,ໝາກ​ລຳໃຍ,​ແລະ​ມັງຄຸດ​,ໝາກ​ໄມ້​ນຳ​​ເຂົ້າ​ມີ​ໝາກ​ໂບມ​ແລະ​ໝາກ​ຈອງ.