ຕາມ​ຂ່າວCRI,ວັນ​ທີ13​ທັນວາ​ນີ້,ຢູ່​ເຊີ​ແນວ, ສະຫະພັນ​ສາກົນ​ກາ​ແດງ​ແລະ​ຊີກ​ວົງ​ເດືອນ​ແດງ​ໄດ້​​ເປີດ​ເຜີ​ຍບົດ​ລາຍ​ງານ​ໄພພິບັດ​ປະຈຳ​ປີ​ໂດຍຂຽນ​ວ່າ,​ປີ​2006,​ທົ່ວ​ໂລກ​ມີ​ປະມານ3​ໝື່ນ4​ພັນ​ຄົນ​ເສຍ​ຊີວິດ​ຍ້ອນ​ໄພ​ທຳ​ມະ​ຊາດ​ແລະ​ອຸບັດ​ຕິ​ເຫດການ​ຜະລິດ,​ແມ່ນ​ປີ​ໜຶ່ງ​ທີ່​ມີ​ຈຳນວນ​ຄົນ​ເສຍ​ຊີວິດ​ໜ້ອຍ​ກວ່າ​ໝູ່​ໃນ10​ປີ​ທີ່​ຜ່ານ​ມາ.

ບົດ​ລາຍ​ງານ​ຂຽນ​ວ່າ,ປີ2006,​ໄພ​ທຳ​ມະ​ຊາດ​ໃນ​ທົ່ວ​ໂລກ​ໄດ້​ເຮັດ​ໃຫ້2​ໝື່ນ​3800​ຄົນ​ເສຍ​ຊີ​ວິດ,​ໃນ​ນັ້ນ,​ໄພ​ທຳ​ມະ​ຊາດ​ໜັກໜ່ວງ​ກວ່າ​ໝູ່​ແມ່ນ​ແຜ່​ນດິນ​ໄຫວ​ທີ່​ເກີດ​ຂຶ້ນ​ຢູ່​ອິນ​ໂດ​ເນ​ເຊຍ​ໃນ​​ເດືອນ​ພຶດສະພາ​ປີ​ກາຍ​ນີ້.​ເຖິງ​ວ່າ​ປີ​ກາຍ​ນີ້,​ຈຳ​ນວນ​ຄົນ​ຕາຍ​ຍ້ອນ​ໄພ​ທຳ​ມະ​ຊາດ​ໄດ້​ຫຼຸດ​ລົງ1/4​ເມື່ອ​ທຽບ​ກັບ​ປີ2005​ກໍ​ຕາມ,​ແຕ່​ອັດຕາ​ຄົນ​ຕາຍ​ຍ້ອນ​ໄພ​ທຳ​ມະ​ຊາດ​ໄດ້​ເພີ່ມ​ຂຶ້ນ​ຢ່າງ​ເດັ່ນ​ຊັດ

ບົດ​ລາຍ​ງານ​ຍັງ​ແຈ້ງ​ໃຫ້​ຊາບ​ວ່າ,ປີ2006,​ໄພ​ພິບັດ​ໃນ​ທົ່ວ​ໂລກ​ມີ​ທ່າ​ອ່ຽງເພີ່ມ​ຂຶ້ນ.​ໃນ​ໄລ​ຍະ​10​ປີ​ທີ່​ຜ່ານ​ມາ​ຄື​ແຕ່​ປີ1997​ຮອດ​ປີ2006​,ຍອດ​ຈຳ​ນວນ​ໄພ​ພິ​ບັດ​ໄດ້​ເພີ່ມ​ຂຶ້ນ60%​ເມື່ອ​ທຽບ​ກັບ​10​ປີກ່ອນ​,ສາ​ເຫດ​ຕົ້ນຕໍ​ທີ່​​ເກີດ​ສະພາບ​ການ​ດັ່ງກ່າວ​ແມ່ນ​ຍ້ອນ​ໄພ​ທຳ​ມະ​ຊາດ​ທີ່​ເກີດ​ຂຶ້ນ​ຍ້ອນ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ​ໄດ້​ເພີ່ມ​ຂຶ້ນ.