|
|
 |
| (GMT+08:00)
2007-12-15 17:52:44
|
 |
|
ໄທເລີ່ມປ່ອນບັດການເລືອກຕັ້ງທົ່ວໄປກ່ອນເວລາກຳນົດ
cri
ຕອນເຊົ້າວັນທີ 15 ທັນວານີ້,ໄທໄດ້ເລີ່ມປ່ອນບັດການເລືອກຕັ້ງທົ່ວໄປຢູ່ທົ່ວປະເທດແລະສະຖານທູດ ສະຖານກົງສູນໄທປະຈຳຕ່າງປະເທດຈຳນວນຫນຶ່ງ,ປະຊາຊົນຜູ່ມີສິດເລືອກຕັ້ງທີ່ບໍ່ສາມາດເຂົ້າຮ່ວມການປ່ອນບັດໃນມື້ເລືອກຕັ້ງທົ່ວໄປກໍຄືວັນທີ 23 ທັນວານີ້ຍ້ອນສາເຫດຕ່າງໆສາມາດເຂົ້າຮ່ວມການປ່ອນບັດກ່ອນເວລາກຳນົດ.
ຕາມຂໍ້ກຳນົດຂອງຄະນະກຳມະການເລືອກຕັ້ງຂອງໄທ,ການປ່ອນບັດຂອງ ການເລືອກຕັ້ງທົ່ວໄປກ່ອນເວລາກຳນົດເທື່ອນີ້ຈະດຳເນີນເປັນເວລາສອງວັນ,ຢູ່ທົ່ວປະເທດໄທຈະມີປະຊາຊົນຜູ່ມີສິດເລືອກຕັ້ງປະມານ 2 ລ້ານ 9 ຫມື່ນຄົນປ່ອນບັດກ່ອນເວລາກຳນົດ.ນີ້ແມ່ນການເລືອກຕັ້ງທົ່ວໄປເທື່ອຫນຶ່ງທີ່ຜູ່ເຂົ້າຮ່ວມການປ່ອນບັດກ່ອນເວລາກຳນົດຫຼາຍກວ່າຫມູ່ໃນປະຫວັດສາດໄທ.
ນອກນີ້,ວຽກງານປ່ອນບັດຢູ່ຕ່າງປະເທດຂອງໄທໄດ້ເລີ່ມຈັດຂຶ້ນໃນວັນທີ 3 ທັນວານີ້,ຈະສິ້ນສຸດໃນວັນທີ 16 ທັນວານີ້,ປະຈຸບັນ,ປະຊາຊົນຜູ່ມີສິດເລືອກຕັ້ງຂອງໄທຢູ່ຕ່າງປະເທດກໍໄດ້ປ່ອນບັດຢ່າງຫ້າວຫັນທີ່ສຸດ
ຫາງສຽງໄທເຫັນວ່າ,ປະຊາຊົນຜູ່ມີສິດເລືອກຕັ້ງຂອງໄທໄດ້ຕັ້ງຫນ້າເຂົ້າຮ່ວມການປ່ອນບັດກ່ອນເວລາກຳນົດ,ນີ້ສະແດງໃຫ້ເຫັນວ່າປະຊາຊົນໄທເອົາໃຈໃສ່ໃນລະດັບສູງຕໍ່ການເລືອກຕັ້ງທົ່ວໄປເທື່ອນີ້.
|
|
|
