|
|
 |
| (GMT+08:00)
2007-12-16 18:19:39
|
 |
|
ກອງປະຊຸມການປ່ຽນແປງຂອງດິນຟ້າອາກາດສະຫະປະຊາຊາດຮັບຮອງເອົາ"ແຜນການເສັ້ນທາງເກາະບາຫຼີ"
cri
Author: mo
ຕາມຂ່າວCRI: ຕອນຄ່ຳວັນທີ 15 ທັນວານີ້, ກອງປະຊຸມກ່ຽວກັບການປ່ຽນແປງຂອງດິນຟ້າອາກາດຂອງສະຫະປະຊາຊາດທີ່ໄຂຂື້ນຢູ່ເກາະບາຫຼີແຫ່ງອິນໂດເນເຊຍໄດ້ອັດລົງ. ມື້ດຽວກັນ, ກອງປະຊຸມໄດ້ຜ່ານ"ແຜນການເສັ້ນທາງເກາະບາຫຼີ", ໄດ້ຕົກລົງວາລະວ່າວຽກອັນຈະແຈ້ງໃຫ້ແກ່ຫົວຂໍ້ຫາລືທີ່ເປັນຂໍກະແຈຂອງການເຈລະຈາເພື່ອຮັບມືກັບການປ່ຽນແປງຂອງດິນຟ້າອາກາດກ່ອນປີ 2009.
"ແຜນການເສັ້ນທາງເກາະບາຫຼີ"ຕົກລົງຈັດການເຈລະຈາກ່ຽວກັບການຈັດວາງໃໝ່ເພື່ອຮັບມືກັບບັນຫາການປ່ຽນແປງຂອງດິນຟ້າອາກາດກ່ອນທ້າຍປີ 2009, ໄດ້ຕົກລົງວາລະວ່າວຽກອັນຈະແຈ້ງໃຫ້ແກ່ຫົວຂໍ້ຫາລືທີ່ເປັນຂໍກະແຈ, ແລະໃນແຜນການຜະໜວກຍັງຕົກລົງຈະຈັດກອງປະຊຸມສະເພາະຂະໜາດໃຫຍ່ 4 ເທື່ອກ່ຽວກັບການປ່ຽນແປງຂອງດິນຟ້າອາກາດໃນປີ 2008.
ຫຼັງຈາກບັນລຸການບຸກທະລຸອັນສຳຄັນດັ່ງກ່າວນີ້ແລ້ວ, ຝ່າຍຕ່າງໆທີ່ກ່ຽວຂ້ອງມີການປະຕິກິລິຍາບໍ່ຄືກັນ. ທ່ານບານກີມູນ ເລຂາທິການໃຫຍ່ສະຫະປະຊາຊາດກ່າວວ່າ, ຂ່າວນີ້ໄດ້ເຊີດຊູກຳລັງໃຈຫຼາຍ, ແລະຍ້ອງຍໍວ່າ, ໃນການເຈລະຈາ, ຝ່າຍຕ່າງໆທີ່ຮ່ວມປະຊຸມໄດ້ສະແດງຄວາມຄ່ອງແຄ້ວແລະນ້ຳໃຈປະນີປະນອມໃຫ້ແກ່ກັນ; ແຕ່ທ່ານໂຢ ເດີໂປເອີ ເລຂາບໍລິຫານງານຂອງກອງເລຂາ"ສົນທິສັນຍາຂອບການປ່ຽນແປງຂອງດິນຟ້າອາກາດສະຫະປະຊາດ"ກ່າວວ່າ, ໜ້າທີ່ຢູ່ຕໍ່ໜ້າປະຊາຊົນຍັງລຳບາກໜັກໜາຫຼາຍ, ຕ້ອງດຳເນີນງານຢ່າງວ່ອງໄວ; ທ່ານຊູເວີຍ ຮອງຫົວໜ້າຄະນະຜູ້ແທນຈີນ ຫົວໜ້າຫ້ອງການໜ່ວຍນຳພາຂອງລັດທີ່ຮັບມືກັບການປ່ຽນແປງຂອງດິນຟ້າອາກາດທີ່ຮ່ວມປະຊຸມກ່າວວ່າ, "ແຜນການເສັ້ນທາງເກາະບາຫຼີ"ຈະຊີ້ທິດກ້າວເດີນກ່ຽວກັບການຮັບມືກັບການປ່ຽນແປງຂອງດິນຟ້າອາກາດໃນບາດກ້າວຕໍ່ໄປໃຫ້ມວນມະນຸດ; ຄະນະກຳມາທິການສະຫະພາບເອີລົບໄດ້ຊົມເຊີຍກອງປະຊຸມຮັບຮອງເອົາ"ແຜນການເສັ້ນທາງເກາະບາຫຼີ", ແລະກ່າວວ່າ, ເອີລົບຕັດສິນໃຈພະຍາຍາມສຸດຂີດເພື່ອຊຸກຍູ້ຂະບວນການດັ່ງກ່າວ.
|
|
|
