|
ເຈົ້າໜ້າທີ່ກະຊວງການຕ່າງປະເທດອິນໂດເນເຊຍປະສົບອຸປະຕິເຫດທາງລົດ ເສຍຊີວິດ 5 ຄົນ ເຈັບໜັກຜູ້ໜຶ່ງ
cri
Author: cai
ຕາມຂ່າວສານຊີນຮວາ:ຕອນຮຸ່ງເຊົ້າວັນທີ 17 ທັນວານີ້,ພາຍຫຼັງເຈົ້າໜ້າທີ່ກະຊວງການຕ່າງປະເທດອິນໂດເນເຊຍ 6 ຄົນໄດ້ເຂົ້າຮ່ວມກອງປະຊຸມໃຫຍ່ການປ່ຽນແປງຂອງດິນຟ້າອາກາດສະຫະປະຊາຊາດແລ້ວ,ໃນເວລາເດີນທາງຈາກເກາະບາຫຼີກັບຄືນສູ່ນະຄອນຫຼວງຢາກາກຕາ,ໄດ້ເກີດອຸປະຕິເຫດທາງລົດຢ່າງໜັກຢູ່ກາງທາງ,ມີ 5 ຄົນເສຍຊີວິດ,ອີກຄົນໜຶ່ງບາດເຈັບສາຫັດ.
ຕຳຫຼວດຈາລະຈອນທ້ອງຖິ່ນບອກວ່າ,ກ່ອນເກີດອຸປະຕິເຫດ,ລົດຕູ້ທີ່ 6 ຄົນດັ່ງກ່າວຂີ່ນັ້ນໄດ້ເຈືອກໄປໃນທິດກົງກັນຂ້າມຢ່າງກະທັນຫັນ,ແລ້ວຕຳກັບລົດຂົນສົ່ງຂີ້ຊາຍຄັນໜຶ່ງ.ປະຈຸບັນ,ສາເຫດເກີດອຸປະຕິເຫດຍັງພວມສຳຫຼວດຢູ່,ຄົນຂັບລົດອິດເມື່ອຍຫຼາຍອາດຈະແມ່ນສາເຫດທີ່ພາໃຫ້ເກີດອຸປະຕິເຫດຄັ້ງນີ້.
|
|
