|
|
 |
| (GMT+08:00)
2007-12-18 18:51:24
|
|
ຈີນໄທເຊັນສັນຍາຮ່ວມມືວັດທະນະທຳ
cri
Author: cai
ຕາມຂ່າວCRI:ວັນທີ 17 ທັນວານີ້,"ສັນຍາກ່ຽວກັບການຕັ້ງສູນວັດທະນະທຳຂອງຝ່າຍກົງກັນຂ້າມແລະຖານະຂອງສູນລະຫວ່າງລັດຖະບານສາທາລະນະລັດປະຊາຊົນຈີນກັບລັດຖະບານລາດຊະອານາຈັກໄທ"ໄດ້ເຊັນກັນຢູ່ບາງກອກ ນະຄອນຫຼວງຂອງໄທ,ທ່ານຈ່າງຈີວເຮີງ ເອກອັກຄະລັດຖະທູດຈີນປະຈຳໄທແລະທ່ານໄຂສີ ສີອະລຸນ ລັດຖະມົນຕີວ່າການກະຊວງວັດທະນະທຳໄທຕາງໜ້າລັດຖະບານຂອງປະເທດຕົນລົງນາມໃນສັນຍາດັ່ງກ່າວ.
ອີງຕາມສັນຍາດັ່ງກ່າວ,ສອງປະເທດຈະຕັ້ງສູນວັດທະນະທຳປະເທດຕົນຢູ່ປະເທດກົງກັນຂ້າມບົນພື້ນຖານສະເໝີພາບແລະຕ່າງຝ່າຍຕ່າງມີຜົນປະໂຫຍດ.ສູນວັດທະນະທຳບໍ່ແມ່ນອົງການທຸລະກິດ,ມີຄຸນວຸດທິນິຕິບຸກຄົນທີ່ເປັນເອກະລາດ,ແລະດຳເນີນການເຄື່ອນໄຫວຕາມກົດໝາຍແລະກົດລະບຽບຂອງປະເທດທີ່ຢູ່ປະຈຳ,ມີຈຸດປະສົງເພື່ອຕັ້ງໜ້າຊຸກຍູ້ການຮ່ວມມືລະຫວ່າງສອງປະເທດໃນຂົງເຂດວັດທະນະທຳ ສິລະປະ ການສຶກສາ ການສື່ ວິທະຍາສາດສັງຄົມແລະຂົງເຂດອື່ນໆທີ່ກ່ຽວຂ້ອງ.
|
|
|
