|
|
 |
| (GMT+08:00)
2007-12-22 17:51:52
|
|
ທ່ານທັກສິນຊິນນະວັດຈະກັບຄືນປະເທດໃນເດືອນກຸມພາປີຫນ້າ
cri
ຕາມຂ່າວສານຊີນຮວາ:ວັນທີ 21 ທັນວານີ້ ທ່ານສະເຫລີມ ຍູບຳລຸງ ຮອງປະທານພັກພະລັງປະຊາຊົນໄທກ່າວວ່າ, ກ່ອນນີ້ມື້ຫນຶ່ງ ທ່ານເອງໄດ້ໂທລະສັບລົມກັບທ່ານທັກສິນ ຊິນນະວັດ,ທ່ານທັກສິນກ່າວວ່າ, ທ່ານມີແຜນຈະກັບຄືນປະເທດໄທໃນວັນທີ 14 ກຸມພາປີຫນ້າພາຍຫລັງໄທຈັດຕັ້ງລັດຖະບານຊຸດໃຫມ່ທີ່ປະຊາຊົນເລືອກຕັ້ງ.
ຕັ້ງແຕ່ທະຫານໄທກໍ່ການລັດຖະປະຫານໂຄ່ນລົ້ມລັດຖະບານທັກສິນເມື່ອເດືອນກັນາປີກາຍມານີ້,ທ່ານທັກສິນໄດ້ຢູ່ຕ່າງປະເທດຕະຫລອດມາ.ເດືອນພຶດສະພາປີນີ້, ພັກໄທຮັກໄທທີ່ທ່ານທັກສິນສ້າງຕັ້ງນັ້ນຖືກສານລັດຖະທຳມະນູນຕັດສິນຍຸບຍ້ອນຫລິ້ນຂີ້ສໍ້ໃນການເລືອກຕັ້ງ,ກຳມະການບໍລິຫານງານຂອງພັກໄທຮັກໄທ 111 ຄົນເຊິ່ງລວມທັງທ່ານທັກສິນໄດ້ຖືກຕັດສິນຫ້າມບໍ່ໃຫ້ເຂົ້າຮ່ວມການເມືອງພາຍໃນເວລາ 5 ປີ.ສະມາຊິກສ່ວນໃຫຍ່ຂອງພັກໄທຮັກໄທໄດ້ເຂົ້າຮ່ວມພັກພະລັງປະຊາຊົນ,ເຮັດໃຫ້ພັກພະລັງປະຊາຊົນກາຍເປັນພັກການເມືອງທີ່ສຳຄັນກວ່າຫມູ່ພັກຫນຶ່ງຂອງໄທໃນປັດຈຸບັນ.
|
|
|
