|
|
 |
| (GMT+08:00)
2007-12-24 20:43:42
|
 |
|
ອາເມລິກາ:ອີຣັກປະເຊີນກັບສິ່ງທ້າທາຍສາມຢ່າງ
cri
ຕາມຂ່າວສານຊິນຮວາ,ວັນທີ23ທັນວານີ້,ທ່ານລີອັນຄຣອກເກີເອກອັກຄະລັດຖະທູດອາເມລິກາປະຈຳອີຣັກກ່າວວ່າ,ພາຍຫຼັງການປະທະກັນພາຍໃນປະເທດອີຣັກຫຼຸດ ລົງແລ້ວຈະປະເຊີນກັບສິ່ງທ້າທາຍສາມຢ່າງຄືບັນຫາຊາວອົບພະຍົບ ຄວາມປອງດອງຊາດແລະຜົນສະທ້ອນຂອງອີຣານທີ່ມີຕໍ່ສະຖານະການໃນອີຣັກ.
ທ່ານຄຣອກເກີກ່າວວ່າ,ນັບແຕ່ສົງຄາມອີຣັກປີ2003ມານີ້,ມີຊາວອົບພະຍົບອີຣັກ2ລ້ານກວ່າຄົນໄດ້ ໜີໄປຕ່າງປະເທດ.ການແກ້ໄຂບັນຫາຊາວອົບພະຍົບຕ້ອງລະມັດລະວັງທີ່ສຸດ,ປ້ອງກັນບໍ່ໃຫ້ກາຍເປັນສາເຫດໃຫ້ເກີດການປະທະກັນອັນໃໝ່.
ປັດຈຸບັນ,ອີຣັກມີກຳລັງປະຊາຊົນປະກອບອາວຸດທີ່ຄັດຄ້ານການເຄື່ອນໄຫວກໍ່ການຮ້າຍຂອງອົງການອັນໄກດາເຊິ່ງມີສະມາຊິກປະມານ7ໝື່ນຄົນ,ສ່ວນຫຼາຍແມ່ນນິກາຍຊຸນີ່.ທ່ານຄຣອກເກີ ກ່າວວ່າ,ລັດຖະບານອີຣັກມີແຜນຈະດຶງດູດຊາວນິກາຍຊຸນິ່2ໝື່ນຄົນໃນກຳລັງເຫຼົ່ານີ້ເຂົ້າເປັນທະຫານປ້ອງກັນຄວາມປອດໄພອີຣັກ.ພ້ອມກັນນັ້ນ,ລັດຖະບານອາເມລິກາແລະອີຣັກມີແຜນການຕ່າງຈະໃຊ້ງົບປະມານ155ລ້ານໂດລາເພື່ອໃຫ້ການອົບຮົມວິຊາຊີບແກ່ຄົນສ່ວນເຫຼືອເພື່ອສ້າງທາງອອກໃຫ້ເຂົາເຈົ້າ.
ໃນດ້ານຜົນກະທົບຂອງອິດທິກຳລັງພາຍນອກ,ທ່ານຄຣອກເກີກ່າວວ່າ,ຖ້າອີຣານສາມາດເຮັດໃຫ້ອີຣັກຫຼຸດການປະທະກັນດ້ວຍຄວາມຮຸນແຮງແຕ່ບໍ່ແມ່ນເພີ່ມການປະທະກັນ,ມັນຈະແມ່ນເລື່ອງດີເລື່ອງໜຶ່ງ.
|
|
|
