ຕາມ​ຂ່າວCRI:ວັນ​ທີ24​ທັນວາ​ນີ້,​ໃນ​ເວລາ​ພົບ​ປະກັບ​ທ່ານ​ຊູນ​ປີ້​ກ້ານ ທູດ​ພິ​ເສດບັນຫາ​ຕາ​ເວັນ​ອອກ​ກາງຂອງ​ຈີນ,ທ່ານມາ​ມຸດ ອັບ​ບາສ ປະທານ​ອົງການ​ອຳນາດ​ແຫ່ງ​ຊາດ​ປາ​ເລັສຕິນ​ໄດ້ຕີ​ລາຄາ​ສູງ​ຕໍ່ຫຼັກໝັ້ນ​ອັນ​ທ່ຽງ​ທຳ​​ແລະ​ບົດບາດ​ອັນ​ຕັ້ງໜ້າຂອງ​ຈີນ​ໃນ​ບັນຫາ​ຕາ​ເວັນ​ອອກ​ກາງ.

ທ່ານ​ອັບ​ບາສ​ໄດ້ຕີ​ລາຄາ​ຢ່າງ​ຕັ້ງໜ້າ​ຕໍ່ການ​ຂະຫຍາຍ​ການ​ພົວພັນ​ປາ​ເລັສຕິນ-ຈີນ,ທ່ານ​ກ່າວ​ວ່າ,ປາ​ເລັສຕິນຈະ​ສຸມ​ກຳລັງ​ຜ່ານ​ຈາກ​ການ​ເຈລະຈາ​ທາງ​ການ​ເມືອງ​ມາ​ແກ້​ໄຂ​ບັນຫາ​ກ່ຽວ​ກັບ​ຖານະ​ໃນ​ຂັ້ນ​ສຸດ​ທ້າຍ,​ບັນ​ລຸ​ເປົ້າ​ໝາຍ​ສ້າງຕັ້ງ​ປະ​ເທດ,​ແລະຂອບ​ໃຈ​ຕໍ່ປະຊາ​ຄົມ​ໂລກ ​ທີ່ລວມທັງ​ຈີນ​​ໃນ​ການເສີມ​ຂະຫຍາຍ​ບົດບາດ​ຊຸກ​ຍູ້​ຢ່າງ​ຕັ້ງໜ້າ.

ທ່ານ​ຊູ່​ນປີ້​ກ້ານ​ກ່າວວ່າ,ຈີນ​ສະໜັບສະໜູ​ນ ​ປາ​ເລັສຕິນກັບ​ອິສຣາ​ແອນ​ດຳ​ເນີນ​ການ​ເຈລະຈາ​ຢ່າງ​ຕໍ່​ເນື່ອງ​ກ່ຽວ​ກັບ​ຖານະ​ໃນ​ຂັ້ນ​ສຸດ​ທ້າຍ,ໄດ້​ຮັບ​ໝາກຜົນ​ທີ່​ມີ​ລັກສະນະ​ຕົວ​ຈິງໂດຍ​ໄວ,​ເພື່ອສ້າງ​ຕັ້ງ​ປະ​ເທດປາ​ເລັສຕິນທີ່​ເປັນ​ເອກະລາດ,​​ໃຫ້​"ສອງ​ປ​ະ​ເທດ"ປາ​ເລັສຕິນກັບ​ອິສຣາ​ແອນຮ່ວມ​ກັນ​ໂດຍ​ສັນຕິ​.

ທ່ານ​ຊູ່​ນປີ້​ກ້ານ​ຍັງ​​ກ່າວວ່າ,ຝ່າຍ​ຈີນ​ໄດ້​ໃຫ້​ຄຳ​ໝັ້ນ​ສັນຍາ​ວ່າ,​ໃນ3​ປີ​ຕໍ່ໜ້າ​ຈະສະໜອງ​ການ​ຊ່ວຍ​ເຫຼືອ80​ລ້ານ​ຢວນ​ໃຫ້​ແກ່​ປາ​ເລັສຕິນ.