|
|
 |
| (GMT+08:00)
2007-12-26 16:21:28
|
 |
|
ໜັງສືພິມໂຕກຽວຊິມມູນຂອງຍີ່ປຸ່ນຕີລາຄາຢ່າງຕັ້ງໜ້າຕໍ່ທ່ານຢາຊູໂອ ຟູຄູດາຈະມາຢ້ຽມຢາມຈີນໃນໄວໆນີ້
cri
Author: mo
ຕາມຂ່າວສານຊີນຮວາ: ວັນທີ 26 ທັນວານີ້, ໜັງສືພິມໂຕກຽວຊິມມູນຂອງຍີ່ປຸ່ນໄດ້ພິມບົດນຳ ຕີລາຄາຢ່າງຕັ້ງໜ້າຕໍ່ທ່ານຢາຊູໂອ ຟູຄູດາ ນາຍົກລັດຖະມົນຕີຍີ່ປຸ່ນຈະມາຢ້ຽມຢາມຈີນໃນໄວໆນີ້, ເຫັນວ່າ, ສອງຝ່າຍເພີ່ມຄວາມເຂົ້າໃຈກັນຈະເປັນເສັ້ນທາງໄປສູ່ມິດຕະພາບຢ່າງແທ້ຈິງ.
ບົດນຳຂຽນວ່າ, ໃນສະພາບທີ່ສະພາແຫ່ງຊາດຍີ່ປຸ່ນຈັດຕາຕະລາງເວລາຢ້ຽມຢາມເຕັມໝົດແລ້ວ, ແຕ່ທ່ານຢາຊູໂອຟູຄູດາ ນາຍົກລັດຖະມົນຕີຍີ່ປຸ່ນກໍ່ຍັງຍາດເວລາໄປຢ້ຽມຢາມເມືອງສີຝູແຂວງຊ່ານຕົ່ງ ບ້ານເກີດຂົງຈື້ ຜູ້ລິເລີ່ມສ້າງສຳນັກປັດຊະຍາຂົງຈື ເຊິ່ງເປັນວັດທະນະທຳດັ້ງເດີມຮ່ວມກັນຂອງຍີ່ປຸ່ນແລະຈີນ, ນີ້ຈະມີຜົນດີຕໍ່ການປັບປຸງຄວາມຮູ້ສຶກຂອງປະຊາຊົນຈີນທີ່ມີຕໍ່ຍີ່ປຸ່ນ.
ບົດນຳຊີ້ອອກວ່າ, ຍີ່ປຸ່ນຈີນມີຄວາມເຫັນຂັດແຍ່ງກັນໃນບັນຫາຕ່າງໆເຊັ່ນພັດທະນາຊັບພະຍາກອນທະເລຈີນຕາເວັນອອກແລະບັນຫາໄຕ້ຫວັນເປັນຕົ້ນ, ສອງຝ່າຍແລກປ່ຽນຄວາມເຫັນຢ່າງກົງໄປກົງມາ ເພີ່ມຄວາມເຂົ້າໃຈກັນ ຈະເປີດເສັ້ນທາງໃຫ້ແກ່ການບັນລຸມິດຕະພາບອັນແທ້ຈິງ.
ທ່ານຢາຊູໂອ ຟູຄູດາ ຈະເດີນທາງຮອດປັກກິ່ງໃນຕອນບ່າຍວັນທີ 27 ທັນວານີ້, ຈະຢ້ຽມຢາມຈີນຢ່າງເປັນທາງການເປັນເວລາ 4 ວັນ.
|
|
|
