|
ໄທຈະຈັບຕົວທ່ານທັກສິນໃນເວລາທ່ານກັບຄືນປະເທດໄທ
cri
ຕາມຂ່າວCRI:ວັນທີ 27 ທັນວານີ້,ຢູ່ນະຄອນຫຼວງບາງກອກຂອງໄທ ທ່ານສຳພັນ ສາລະທະນະ ຫົວຫນ້າຫນ່ວຍງານວຽກງານການຕ່າງປະເທດຂອງອະທິໄອຍະການສູງສຸດໄທໄດ້ກ່າວວ່າ,ເມື່ອໃດທີ່ທ່ານທັກສິນ ຊິນນະວັດ ອະດີດນາຍົກລັດຖະມົນຕີເຂົ້າປະເທດໄທ,ກໍຈະຖືກຈັບທັນທີ
ຕອນເຊົ້າມື້ດຽວກັນ,ທ່ານສຳພັນ ສາລະທະນະໄດ້ກ່າວວ່າ,ເຖິງວ່າພັກລະລັງປະຊາຊົນທີ່ສະຫນັບສະຫນູນທ່ານທັກສິນໄດ້ຊະນະໃນການເລືອກຕັ້ງທົ່ວໄປ ,ແລະອາດຈະກາຍເປັນພັກນຳໃນການຈັດຕັ້ງລັດຖະບານກໍຕາມ,ແຕ່ວ່າການພິ ຈາລະນາຊຳລະຄະດີສໍ້ລາດບັງຫຼວງຂອງທ່ານທັກສິນຈະບໍ່ຖືກຜົນສະທ້ອນ.ທ່ານກ່າວວ່າ,ຍ້ອນສານໄດ້ປະກາດຄຳສັ່ງຈັບຕົວຕໍ່ທ່ານທັກສິນ,ສະນັ້ນ,ຂໍແຕ່ທ່ານທັກສິນເຂົ້າປະເທດໄທກໍຈະຖືກຕຳຫຼວດຈັບໄປໃນທັນທີ.ທ່ານສຳພັນຍັງກ່າວວ່າ,ວຽກງານກ່ຽວກັບການສົ່ງຕົວທ່ານທັກສິນຈາກອັງກິດກັບຄືນໄທຍັງດຳເນີນຢູ່
|
|
