ຕາມ​ຂ່າວCRI:ວັນ​ທີ27​ທັນວາ​ນີ້,ພັກ​ຊາດ​ໄທ​ແລະ​ພັກ​ເພື່ອ​ແຜ່ນດິນ​ພ້ອມ​ກັນ​ສະ​ເໜີ​ເງື່ອນ​ໄຂ​ເຂົ້າ​ຮ່ວມ​ຈັດ​ຕັ້ງ​ລັດຖະບານ​5ຂໍ້​ຕໍ່​ພັກ​ພະລັງ​ປະຊາຊົນ.

ຕາມ​ຂ່າວ​ລາຍ​ງານ​ວ່າ, ທ່ານ​ບັນ​ຫານ ສິນລະ​ປະ​ອາຊາ ຫົວ​ໜ້າພັກ​ຊາດ​ໄທ,ທ່ານ​ສຸ​ວິດ​ຍ໌ ຄຸນ​ກິດ​ຕິ ຫົວໜ້າພັກ​ເພື່ອ​ແຜ່ນ​ດິນ​ແລະ​ສະມາ​ຊິກຜູ່​ສຳຄັນຂອງ​ສອງ​ພັກ​ດັ່ງກ່າວ​ໄດ້​ຈັດການ​ຫາລື​ກັນ​ກ່ຽວກັບ​ການຈັດ​ຕັ້ງລັດຖະບານ​ຫຼັງ​ການ​ເລືອກ​ຕັ້ງທົ່ວ​ໄປ.​ໃນ​ກອງ​ປະຊຸມ​ຂ່າວ​ຫຼັງ​ການ​ຫາລື​ກັນ,ສອງ​ພັກ​ພ້ອມ​ກັນ​ປະກາດ​ເງື່ອນ​ໄຂ5​ຂໍ້​ທີ່​ເຂົ້າ​ຮ່ວມ​ລັດຖະບານ​ຊຸມ​​ໃໝ່​ທີ່​ຖື​ພັກ​ພະລັງ​ປະຊາຊົນ​ເປັນ​ພັກ​​ໃຈກາງ,ຄື,ຕ້ອງ​ເຄົາລົບ​ພະ​ບໍລົມ​ມະ​ວົງ​ຊານຸ​ວົງ,ຕ້ອງ​ເຄົາລົບປະ​ທານ​ອົງຄະ​ມົນຕີ​,​ດຳ​ເນີນ​ການ​ແກ້​​ແຄ້ນ​ທາງ​ການ​​ເມືອງ​ບໍ່​ໄດ້,ກ່ຽວ​ກັບ​ຄະດີ​ຂອງ​ອະດີດ​ນາຍົກ​ທັກ​ສິນ ຊີ​ນນະ​ວັດຕ້ອງ​ເຂົ້າ​ສູ່ລະບຽບ​ການ​ຍຸດ​ຕິ​ທຳ​ທີ່​ປອດ​​ໃສ,ບໍ່​ໃຫ້​ຍຸບຄະນະ​ກຳມະ​ການ​ກວດ​ກາຊັບ​ສິນ​ແຫ່ງ​ລັດທີ່​ໄດ້​ສ້າງ​ຕັ້ງ​ຂຶ້ນ​ຫຼັງ​ການລັດ​ຖະປະ​ຫານ​.

ປັດຈຸບັນ,ພັກ​ພະລັງ​ປະຊາຊົນ​ຍັງ​ບໍ່​ໄດ້ມີ​ປະຕິກິລິຍາຕອບຕໍ່​ເງື່ອນ​ໄຂ​ເຂົ້າ​ ​ລັດຖະບານ​ທີ່​ສອງ​ພັກ​ສະ​ເໜີ​ອອກມາ​ນັ້ນ​ເທື່ອ.