|
ຕາມຂ່າວCRI,ວັນທີ28ທັນວານີ້,ພັກພະລັງປະຊາຊົນໄທໄດ້ ຕອບເງື່ອນໄຂເຂົ້າຮ່ວມລັດຖະບານທີ່ພັກຊາດໄທແລະພັກເພື່ອແຜ່ນດິນຮ່ວມກັນສະເໜີອອກມາ.
ມື້ດຽວກັນ,ທ່ານສຸລະພົງ ສີບວງລີເລຂາທິການໃຫຍ່ພັກພະລັງປະຊາຊົນໄທກ່າວວ່າ,ພັກພະລັງປະຊາຊົນເຫັນດີນຳຫຼັກໝັ້ນຂອງພັກຊາດໄທແລະພັກເພື່ອແຜ່ນດິນທີ່ສະແດງອອກໃນເງື່ອນໄຂ5ຂໍ້ກ່ຽວກັບການເຂົ້າຮ່ວມລັດຖະບານ,ແຕ່ເນື້ອໃນກ່ຽວກັບພະບໍລົມວົງສານຸວົງບໍ່ຄວນຖືກຖືເປັນເງື່ອນໄຂໃນການດຳເນີນການເຈລະຈາການເມືອງ.ທ່ານກ່າວຢ້ຳວ່າ,ພັກພະລັງປະຊາຊົນຈະປະກາດການປະກອບ ລັດຖະບານຢ່າງເປັນທາງການໃນວັນທີ4ມັງກອນປີໜ້າ.
ວັນທີ27ທັນວານີ້,ພັກຊາດໄທແລະພັກເພື່ອແຜ່ນດິນໄດ້ຮ່ວມກັນສະເໜີເງື່ອນໄຂ5ຂໍ້ກ່ຽວກັບການເຂົ້າຮ່ວມລັດຖະບານຕໍ່ພັກພະລັງປະຊາຊົນໄທ,ຄືຕ້ອງເຄົາລົບນັບຖືພະບໍລົມວົງສານຸວົງ,ຕ້ອງເຄົາລົບປະທານວຸດທິສະພາ,ຫ້າມບໍ່ໃຫ້ດຳເນີນການແກ້ແຄ້ນທາງການເມືອງ,ຄະດີກ່ຽວກັບທ່ານທັກສິນຊິນນະວັດ ອະດີດນາຍົກລັດຖະມົນຕີຕ້ອງເຂົ້າສູ່ລະບຽບຕຸລາການຢ່າງປອດໃສ,ບໍ່ໃຫ້ຍົກເລີກຄະນະກຳມະການສຳຫຼວດກວດກາຊັບສິນຂອງລັດທີ່ສ້າງຕັ້ງຂຶ້ນພາຍຫຼັງລັດຖະປະຫານ.
|
