|
ລັດຖະບານອີຣັກກ່າວວ່າ,ເຄືອຂ່າຍຂອງອົງການອານເຄດາຢູ່ອີຣັກຖືກທຳລາຍ75%
cri
Author: da
ຕາມຂ່າວCRI: ວັນທີ29ທັນວານີ້ ເຈົ້າໜ້າທີ່ກະຊວງພາຍໃນຂອງອີຣັກກ່າວວ່າ,ຍ້ອນໄດ້ຮັບຜົນສຳເລັດຈາກການພັດທະນາກອງປ້ອງກັນຄວາມປອດໄພອີຣັກ, ເຄືອຂ່າຍຂອງອົງການອານເຄດາຢູ່ອີຣັກ 75% ຖືກທຳລາຍແລ້ວ.
ແຕ່ມື້ດຽວກັນ ທ່ານແດວິດ ປິເຕີເລອຸສ ຜູ່ບັນຊາການສູງສຸດຂອງກອງທະຫານອາເມລິກາປະຈຳອີຣັກກ່າວວ່າ,ປະຈຸບັນ ສະພາບຄວາມປອດໄພຂອງອີຣັກຍັງອ່ອນແອຫຼາຍ,ອານເຄດາຍັງມີເຈດຕະນາກໍ່ຄວາມຮຸນແຮງລະຫວ່າງສາສະໜາຝ່າຍຕ່າງໆຢູ່.
ຂ່າວແຈ້ງອີກວ່າ,ມື້ດຽວກັນ ທ່ານບິນ ລາເດນ ຫົວໜ້າອົງການອານເຄດາເຜີຍແຜ່ເທັບບັນທຶກສຽງໃໝ່ທາງອິນເຕີເນັດ,ກ່າວໂຈມຕີອາເມລິກາມີຈຸດປະສົງຍຶດເອົາຊັບພະຍາກອນພະລັງງານນ້ຳມັນຂອງອີຣັກ,ແລະຮຽກຮ້ອງໃຫ້ອີຣັກປະຕິເສດບໍ່ຮັບເອົາແຜນການຂອງອາເມລິກາທີ່ຈະສ້າງຕັ້ງລັດຖະບານປະສົມອີຣັກຄືນໃໝ່.
|
|
