ຕາມຂ່າວCRI,ວັນທີ2ມັງກອນນີ້,ທ່ານລັສແຕມ ປາຄາຢາ ຫົວໜ້າສູນວິກິດການກະຊວງສາທາລະນະສຸກອິນໂດເນເຊຍກ່າວວ່າ,ໄພນ້ຳຖ້ວມແລະດິນເຈື່ອນທີ່ເກີດຂຶ້ນຢູ່ເກາະຊາວາໃນຫວ່າງມໍ່ໆນີ້ໄດ້ເຮັດໃຫ້ຄົນເສຍຊີວິດເຖິງ102ຄົນ,ນອກນີ້ຍັງມີ21ຄົນຫາຍສາບສູນ.
ທ່ານປາຄາຢາແຈ້ງໃຫ້ຊາບວ່າ,ຝົນຕົກແຮງໃນອາທິດແລ້ວນີ້ໄດ້ເຮັດໃຫ້ຄັນຄູນ້ຳໂຊໂລພັງເຮັດໃຫ້ເກີດໄພນ້ຳຖ້ວມແລະຫຼາຍແຫ່ງດິນ.ນ້ຳໄຫຼເຂົ້າຖ້ວມນາສວນ,ຖະໜົນແລະທາງລົດໄຟກໍໄດ້ຮັບຜົນກະທົບຢ່າງໜັກໜ່ວງ.ປັດຈຸບັນ,ລະດັບນ້ຳຂອງບາງແຫ່ງຢູ່ພາກກາງແລະພາກຕາເວັນອອກຂອງເກາະຊາວາໄດ້ບົກລົງແລ້ວ,ແຕ່ອີກບາງແຫ່ງປະສົບໄພໜັກໜ່ວງກວ່າເກົ່າ,ມີປະຊາຊົນ6ໝື່ນກວ່າຄົນຖືກຍົກຍ້າຍໄປບ່ອນອື່ນ.
ທ່ານປາຄາຢາກ່າວວ່າ,ອົງການປົກຄອງທ້ອງຖິ່ນໄດ້ຂົນສົ່ງວັດສະດຸຕ່າງໆເຊັ່ນຢຸກຢາ,ອາຫານແລະນ້ຳກິນໄປໃຫ້ເຂດປະສົບໄພ,ແລະໄດ້ສ້າງສູນປິ່ນປົວເຄື່ອນທີ່ເພື່ອໃຫ້ການບໍລິການປິ່ນປົວພະຍາດແກ່ປະຊາຊົນຜູ່ປະສົບໄພ.
|
