|
ຝ່າຍທະຫານຟິລິບປິນກ່າວວ່າກຸ່ມປະກອບອາວຸດອາບູຊາຢັຟຕ້ານລັດຖະບານເຫຼືອພຽງ300ກວ່າຄົນເທົ່ານັ້ນ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ກອງປະກອບອາວຸດຟີລິບປິນໄດ້ປະກາດບົດລາຍງານປະຈຳປີສະບັບໜຶ່ງ,ເຊິ່ງສະແດງໃຫ້ເຫັນວ່າ,ກຸ່ມປະກອບອາວຸດອາບູຊາຢັຟຕ້ານລັດຖະບານທີ່ເຄື່ອນໄຫວຢູ່ພາກໃຕ້ຟີລິບປິນຖືກບັ່ນທອນ ຕື່ມອີກໃນປີ2007,ປັດຈຸບັນ,ເຫຼືອແຕ່ສະມາຊິກ379ຄົນເທົ່ານັ້ນ.
ນັບແຕ່ຕົ້ນປີ2007ເປັນຕົ້ນມາ,ເຈົ້າໜ້າທີ່ຟີລິບປິນໄດ້ເພີ່ມຄວາມແຮງໃນການປາບປາມກຸ່ມປະກອບອາວຸດຕ້ານລັດຖະບານ.ນາງໂກຼເລຍ ມາຄາປາການ ອາໂລໂຢ ປະທານາທິບໍດີຟີລິບປິນເຄີຍປະຕິຍານຕົວວ່າ,ນາງຈະກຳຈັດໄພຂົ່ມຂູ່ຂອງອົງການກໍ່ການຮ້າຍແລະອິດທິກຳລັງຫົວຮຸນແຮງທີ່ມີຕໍ່ຄວາມໝັ້ນຄົງໃນສັງຄົມຟີລິບປິນນັ້ນຢ່າງເຖິງຖອງກ່ອນນາງຈະພົ້ນຕຳແໜ່ງປະທານາທິບໍດີໃນປີ2010.
|
|
