|
|
 |
| (GMT+08:00)
2008-01-05 17:36:30
|
 |
|
ສປປເກົາຫຼີກ່າວຄຳເຫັນກ່ຽວກັບບັນຫາປະຕິບັດສັນຍາເຈລະຈາ6ຝ່າຍ
cri
Author: da
ຕາມຂ່າວCRI:ວັນທີ4ມັງກອນນີ້ ໂຄສົກກະຊວງການຕ່າງປະເທດສປປເກົາຫຼີກ່າວວ່າ,ການທີ່ສັນຍາເຈລະຈາ6ຝ່າຍກ່ຽວກັບບັນຫານິວເຄຼຍແຫຼມເກົາຫຼີຖືກແກ່ຍາວເວລາປະຕິບັດ,ໜ້າທີ່ບໍ່ແມ່ນຢູ່ນຳສປປເກົາຫຼີ,ຫາກແມ່ນຢູ່ນຳປະເທດອື່ນແກ່ຍາວເວລາປະຕິບັດພັນທະຂອງຕົນ.
ໂຄສົກຜູ່ນີ້ກ່າວວ່າ,ໃນບັນຫາເຮັດໃຫ້ສິ່ງກໍ່ສ້າງນິວເຄຼຍບໍ່ສາມາດຜະລິດໄດ້,ສປປເກົາຫຼີໄດ້ສຳເລັດວຽກງານພາຍໃນຂອບເຂດເປັນໄປໄດ້ດ້ານເຕັກນິກກ່ອນວັນທີ31ທັນວາປີກາຍນີ້ ໂດຍອີງຕາມເອກະສານຮ່ວມຂອງການເຈລະຈາ6ຝ່າຍໃນວັນທີ3ຕຸລາປີ2007. ໃນບັນຫາລາຍງານແຜນການນິວເຄຼຍ,ສປປເກົາຫຼີໄດ້ເຮັດວຽກທີ່ຕົນຄວນເຮັດ. ໂຄສົກກ່າວວ່າ,ອີງຕາມຫຼັກການ"ການເຄື່ອນໄຫວຕໍ່ການເຄື່ອນໄຫວ"ທີ່ສັນຍາກຳນົດໄວ້,ໃຕ້ສະພາບທີ່ປະເທດອື່ນແກ່ຍາວເວລາປະຕິບັດພັນທະຂອງຕົນນັ້ນ,ຫວ່າງມໍ່ໆນີ້ສປປເກົາຫຼີຈຶ່ງຈຳເປັນຕ້ອງປັບປຸງຄວາມໄວຂອງການເຮັດໃຫ້ສິ່ງກໍ່ສ້າງນິວເຄຼຍ ພາກສ່ວນໜຶ່ງບໍ່ສາມາດຜະລິດໄດ້.
ໃນມື້ດຽວກັນ,ທ່ານໂທນີ ຟຼາໂຕ ໂຄສົກທຳນຽບຂາວອາເມລິກາກ່າວວ່າ,ອາເມລິກາຍັງພວມລໍຖ້າສປປເກົາຫຼີລາຍງານແຜນການນິວເຄຼຍທີ່ຄົບຖ້ວນແລະຄັກແນ່.
|
|
|
