|
|
 |
| (GMT+08:00)
2008-01-13 16:52:33
|
 |
|
ໄທເລີ່ມຈັດການເລືອກຕັ້ງເພີ່ມເຕີມຢູ່ບາງເຂດ
cri
ຕາມຂ່າວCRI,ວັນທີ13ມັງກອນນີ້,ໄທໄດ້ຈັດການເລືອກຕັ້ງເພີ່ມເຕີມຢູ່ເຂດເລືອກຕັ້ງທີ3ຂອງຈັງຫວັດນະຄອນລາຊະສີມາ ພາກຕາເວັນອອກສຽງເໜືອຂອງໄທ.ນີ້ແມ່ນຄະນະກຳມະການເລືອກຕັ້ງຂອງໄທຈັດການເລືອກຕັ້ງເພີ່ມເຕີມເທື່ອທຳອິດນັບແຕ່ການເລືອກຕັ້ງທົ່ວໄປໃນວັນທີ23ທັນວາຜ່ານມານີ້.
ເຂດເລືອກຕັ້ງທີ3ຂອງຈັງຫວັດນະຄອນລາຊະສີມາແມ່ນໄດ້ຮັບບັດເຫຼືອງຈາກຄະນະກຳມະການເລືອກຕັ້ງຍ້ອນໃນການເລືອກຕັ້ງທົ່ວໄປໄດ້ເກີດເຫດການສໍ້ໂກງ ຍ້ອນປັດໄຈບໍ່ແມ່ນຜູ່ສະໝັກຮັບເລືອກຕັ້ງ,ແລະຕົກລົງຈັດການເລືອກຕັ້ງເພີ່ມເຕີມໃນວັນທີ13ມັງກອນນີ້.ຜູ່ສະໝັກຮັບເລືອກຕັ້ງ3ຄົນຂອງພັກພະລັງປະຊາຊົນທີ່ຖືກຍົກເລີກຄຸນວຸດທິສະໝັກຮັບເລືອກຕັ້ງສະມາຊິກສະພາຜູ່ແທນລາຊະດອນນັ້ນຍັງມີຄຸນວຸດທິເຂົ້າຮ່ວມການເລືອກຕັ້ງເພີ່ມເຕີມ,ຄາດວ່າ,ຜົນການເລືອກຕັ້ງເພີ່ມເຕີມຂອງເຂດເລືອກຕັ້ງແຫ່ງນີ້ຈະເປີດເຜີຍໃນວັນທີ13ມັງກອນນີ້.
ຄະນະກຳມະການເລືອກຕັ້ງຂອງໄທແຈ້ງໃຫ້ຊາບວ່າ,ນັບແຕ່ການເລືອກຕັ້ງທົ່ວໄປສິ້ນສຸດລົງມານີ້,ເມື່ອສຳຫຼວດສືບສວນຄະດີຮ້ອງຟ້ອງການສໍ້ໂກງການເລືອກຕັ້ງແລ້ວ,ຄະນະກຳມະການເລືອກຕັ້ງໄດ້ເບີກບັດເຫຼືອງຫຼືບັດແດງໃຫ້ຜູ່ສະໝັກຮັບເລືອກຕັ້ງ10ກວ່າຄົນແລ້ວ.
|
|
|
