|
|
 |
| (GMT+08:00)
2008-01-15 17:40:03
|
 |
|
ອາຊຽນກັບຈີນ ຍິ່ປຸ່ນແລະສ.ເກົາຫຼີເຫັນດີເພີ່ມທະວີການຮ່ວມມືທາງວັດທະນະທຳໃນພາກພື້ນ
cri
Author: da
ຕາມຂ່າວສານຊິນຮວາ: ວັນທີ14ມັງກອນນີ້ ທ່ານຄິງອົງມິງ ປະທານກອງປະຊຸມລັດຖະມົນຕີວັດທະນະທຳອາຊຽນບວກ3 ລັດຖະມົນຕີວ່າການກະຊວງວັດທະນະທຳມຽນມາອອກຖະແຫຼງການໂດຍກ່າວວ່າ,ກອງປະຊຸມລັດຖະມົນຕີວັດທະນະທຳອາຊຽນແລະກອງປະຊຸມລັດຖະມົນຕີວັດທະນະທຳອາຊຽນກັບຈີນຍິ່ປຸ່ນແລະສ.ເກົາຫຼີຫຼືອາຊຽນບວກ3ເຫັນດີເພີ່ມທະວີການຮ່ວມມືພາກພື້ນໃນຂົງເຂດວັດທະນະທຳຕື່ມອີກ.
ໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນ ທ່ານຄິງອົງມິງກ່າວວ່າ,ກອງປະຊຸມຄັ້ງນີ້ຈະຊຸກຍູ້ໃຫ້ສ້າງປະຊາຄົມວັດທະນະທຳສັງຄົມອາຊຽນໃນປີ2015.ລັດຖະມົນຕີວັດທະນະທຳອາຊຽນເຫັນດີເພີ່ມການຮ່ວມມືໃນຂົງເຂດສິນລະປະວັດທະນະທຳຂອງອາຊຽນໃນການພັດທະນາຊັບພະຍາກອນມະນຸດ ການອະນຸລັກມໍລະດົກວັດທະນະທຳ ແລະການພັດທະນາວິສາຫະກິດວັດທະນະທຳຂະໜາດກາງແລະນ້ອຍເປັນຕົ້ນ.
ທ່ານຄິງອົງມິນຍັງກ່າວວ່າ,ລັດຖະມົນຕີທີ່ເຂົ້າຮ່ວມກອງປະຊຸມລັດຖະມົນຕີວັດທະນະທຳອາຊຽນບວກ3ຄັ້ງທີ3 ຊົມເຊີຍຂໍ້ສະເໜີຂອງຝ່າຍຈີນທີ່ເລັ່ງລັດຮ່າງແຜນການຮ່ວມມືວັດທະນະທຳຈີນກັບອາຊຽນ,ຊົມເຊີຍອາຊຽນກັບສ.ເກົາຫຼີເຊັນບົດບັນທຶກຄວາມເຂົ້າໃຈການຮ່ວມມືວັດທະນະທຳ,ແລະຍັງຊົມເຊີຍຍິ່ປຸ່ນເລີ່ມດຳເນີນການຮ່ວມມືວັດທະນະທຳກັບອາຊຽນ.
|
|
|
