|
|
 |
| (GMT+08:00)
2008-01-16 10:41:40
|
 |
|
ນາຍົກມາເລເຊຍກ່າວວ່າຄັດຄ້ານອາເມລິກາທີ່ເອີ້ນອີຣານວ່າເປັນປະເທດສະໜັບສະໜູນລັດທິກໍ່ການຮ້າຍປະເທດທີໜຶ່ງ
cri
ຕາມຂ່າວCRI,ວັນທີ15ມັງກອນນີ້,ທ່ານອັບດູນລາ ອາມັດ ບາດາວີ ນາຍົກລັດຖະມົນຕີມາເລເຊຍກ່າວວ່າ,ຄັດຄ້ານທ່ານຈອດຈ໌ ບຸສ ປະທານາທິບໍດີອາເມລິກາເອີ້ນອີຣານວ່າເປັນປະເທດຜູ່ສະໜັບສະໜູນລັດທິກໍ່ການຮ້າຍປະເທດທີໜຶ່ງ.ທ່ານກ່າວວ່າ,ຖ້ອຍຄວາມຂອງທ່ານບຸສບໍ່ພຽງແຕ່ເຮັດໃຫ້ປະເທດມຸສລິມບໍ່ສາມາດຮັບເອົາໄດ້ເທົ່ານັ້ນ,ຍັງຈະພາໃຫ້ມີການໂຕ້ຖຽງກັນ.ປະຊາຊົນມາເລເຊຍບໍ່ເຫັນດີນຳຖ້ອຍຄວາມແນວນີ້.
ໃນເວລາກ່າວປາຖະກະຖາຢູ່ ອາບູຈາບີ ນະຄອນຫຼວງຂອງສະຫະລັດອາຣັບເອມີເຣດໃນວັນທີ14ມັງກອນນີ້,ທ່ານບຸສກ່າວວ່າ,ອີຣານສະໜັບສະໜູນພວກລັດທິຫົວຮຸນແຮງ,ການກະທຳນີ້ຈະເປັນໄພຂົ່ມຂູ່ຕໍ່ຄວາມປອດໄພຂອງທົ່ວໂລກ.ທ່ານຮຽກຮ້ອງໃຫ້ປະເທດພັນທະມິດທີ່ຢູ່ພາກພື້ນອ່າວເປີເຊຍພ້ອມກັນຮັບມືກັບໄພຂົ່ມຂູ່ດັ່ງກ່າວໂດຍໄວ.ຖ້ອຍຄວາມດັ່ງກ່າວຂອງທ່ານບຸສຖືກເຫັນວ່າແມ່ນຊອກວິທີໃໝ່ເພື່ອເພີ່ມແຮງກົດດັນໃຫ້ແຜນການນີວເຄຼຍຂອງອີຣານ.
|
|
|
