|
|
 |
| (GMT+08:00)
2008-01-18 15:44:26
|
 |
|
ປະທານສະພາສູງແລະສະພາຕ່ຳຂອງຟີລິບປີນພົບປະກັບທ່ານນາງເຫີລູລີ້
cri
Author: mo
ຕາມຂ່າວສານຊີນຮວາ: ວັນທີ 17 ມັງກອນນີ້, ທ່ານໂຈເຊ ເດີ ເວເນເຊຍ ປະທານສະພາຕ່ຳແລະທ່ານມານູນເອນ ວິລາ ປະທານສະພາສູງຂອງຟີລິບປີນຕ່າງໄດ້ພົບປະກັບທ່ານນາງເຫີລູລີ້ ຮອງປະທານຄະນະປະຈຳສະພາປະຊາຊົນແຫ່ງຊາດຈີນ ປະທານສະມາຄົມເພື່ອສັນຕິພາບແລະຫຼຸດກຳລັງລົບຂອງປະຊາຊົນຈີນທີ່ພວມຢ້ຽມຢາມຟີລິບປີນ.
ໃນການພົບປະ, ທ່ານນາງເຫີລູລີ້ຊີ້ອອກວ່າ, ໃນຫຼາຍປີມານີ້, ຜູ້ນຳຊັ້ນສູງຂອງຈີນແລະຟີລິບປີນໄດ້ຢ້ຽມຢາມກັນຢ່າງເນື່ອງນິດ, ການຮ່ວມມືລະຫວ່າງສອງປະເທດໃນຂົງເຂດຕ່າງໆເຊັ່ນການເມືອງ ເສດຖະກິດ ແລະວັດທະນະທຳເປັນຕົ້ນໄດ້ຮັບຄວາມຄືບໜ້າຫຼາຍ. ທ່ານນາງສະແດງຄວາມຂອບໃຈນຳລັດຖະບານແລະສະພາຟີລິບປີນທີ່ຍຶດໝັ້ນຫຼັກໝັ້ນຈີນດຽວເປັນເວລາຍາວນານ, ກ່າວຢໍ້າວ່າ ລັດຖະບານຈີນຈະສືບຕໍ່ປະຕິບັດທິດທາງການຕ່າງປະເທດອ້ອມຂ້າງຄືມີໄມຕີຈິດຕໍ່ປະເທດໃກ້ຄຽງແລະເປັນໝູ່ຄູ່ກັນກັບປະເທດໃກ້ຄຽງ, ເດີນຕາມເສັ້ນທາງພັດທະນາໂດຍສັນຕິ, ອອກແຮງຊຸກຍູ້ການຮ່ວມມືທີ່ມີໄມຕີຈິດແລະຕ່າງຝ່າຍຕ່າງມີຜົນປະໂຫຍດລະຫວ່າງຈີນແລະຟີລິບປີນ.
ທ່ານໂຈເຊ ເດີ ເວເນເຊຍໄດ້ຕາງໜ້າສະພາຕ່ຳຟີລິບປີນມອບ"ຫຼຽນຜົນສຳເລັດຂອງສະພາ"ຟີລິບປີນໃຫ້ທ່ານນາງເຫີລູລີ້. ທ່ານໂຈເຊ ເດີ ເວເນເຊຍກ່າວວ່າ, ຟີລິບປີນກັບຈີນມີບ່ອນຄ້າຍຄືກັນ, ກໍ່ມີບ່ອນຕ່າງກັນ, ສອງປະເທດຄວນເກາະແຂນກັນ, ພ້ອມກັນສ້າງອະນາຄົດອັນດີງາມແຫ່ງມິດຕະພາບຟີລິບປີນຈີນ, ຊຸກຍູ້ການພັດທະນາຂອງອາຊີ.
|
|
|
