|
|
 |
| (GMT+08:00)
2008-01-22 16:58:38
|
 |
|
ສະຖານະການອີຣັກຍັງປະເຊີນສິ່ງທ້າທາຍອັນຂ້ຽວຂາດ
cri
Author: mo
ຕາມຂ່າວCRI：ວັນທີ 21 ມັງກອນນີ້, ທ່ານສ໌ຕາຟານ ເດີ ມິສທູລາ ທູດພິເສດຂອງສະຫະປະຊາຊາດກ່ຽວກັບບັນຫາອີຣັກໄດ້ກ່າວໃນກອງປະຊຸມເປີດເຜີຍກ່ຽວກັບບັນຫາອີຣັກທີ່ຈັດຂຶ້ນຢູ່ສະພາຄວາມໝັ້ນຄົງວ່າ, ເຖີງວ່າຫວ່າງມໍ່ໆນີ້, ເຫດການຮຸນແຮງຢູ່ອີຣັກໄດ້ຫຼຸດໜ້ອຍລົງກໍ່ຕາມ, ແຕ່ອີຣັກຍັງປະເຊີນກັບສິ່ງທ້າທາຍໃນຂົງເຂດຄວາມໝັ້ນຄົງແລະການເມືອງ.
ທ່ານເດີ ມີສ໌ທູລາກ່າວວ່າ, ຖ້າຝ່າຍຕ່າງໆຢູ່ພາຍໃນປະເທດອີຣັກບໍ່ສາມາດກ້າວເຖິງຂັ້ນມີຄວາມເຫັນທີ່ເປັນເອກະສັນກັນດ້ານການເມືອງຢ່າງໜັກແໜ້ນໄດ້, ບັນຫາຄວາມໝັ້ນຄົງກໍ່ຍັງຂາດແຜນການແກ້ໄຂຍາວນານ. ປະຊາຄົມໂລກຍັງຄວນສືບຕໍ່ໃຫ້ຄວາມຊ່ອຍເຫຼືອແກ່ລັດຖະບານອີຣັກ.
ຂ່າວແຈ້ງຕື່ມວ່າ, ວັນທີ 21 ມັງກອນນີ້, ໄດ້ເກີດການຫຼອນໂຈມຕີແບບລະເບີດສະຫຼະຊີບຢູ່ໃນພິທິປົງສົບໃນແຂວງຊາລາຫູດິນ ພາກເໜືອອີຣັກ, ຢ່າງໜ້ອຍເຮັດໃຫ້ 15 ຄົນເສຍຊີວິດ, 8 ຄົນບາດເຈັບ. ມື້ດຽວກັນ, ກອງລາດຕະເວນຂອງກອງທະຫານຮັກສາຄວາມປອດໄພຂອງອີຣັກກໍ່ຖືກຫຼອນໂຈມຕີດ້ວຍລະເບີດລົດຍົນແບບສະຫຼະຊີບຢູ່ແຂວງລີວາ ອານ ໄນເນວາ ພາກເໜືອອີຣັກ, ເຮັດໃຫ້ທະຫານ 2 ຄົນເສຍຊີວິດ, ທະຫານ 5 ຄົນແລະປະຊາຊົນ 4 ຄົນບາດເຈັບ.
|
|
|
