|
|
 |
| (GMT+08:00)
2008-01-25 18:09:00
|
 |
|
ເວທີປຶກສາຫາລືດາໂວສເອົາໃຈໃສ່ນຳບັນຫາທົ່ວໂລກຂາດນ້ຳ
cri
ຕາມຂ່າວສານຊິນຮວາ,ວັນທີ24ມັງກອນນີ້,ກອງປະຊຸມປະຈຳປີຂອງເວທີປຶກສາຫາລືເສດຖະກິດໂລກດາໂວສໄດ້ຈັດກອງປະຊຸມສຳມະນາທີ່ມີຫົວຂໍ້ສະເພາະກ່ຽວກັບບັນຫາທົ່ວໂລກຂາດເຂີນຊັບພະຍາກອນນ້ຳ.ທ່ານບັນກີມູນ ເລຂາທິການໃຫຍ່ສະຫະປະຊາຊາດ ທ່ານເນວິນເລ ໄອສເດວ ປະທານກຸ່ມບໍລິສັດໂກກາໂກລາ ແລະທ່ານອື່ນໆທີ່ຮ່ວມປະຊຸມລ້ວນແຕ່ໄດ້ຮຽກຮ້ອງໃຫ້ວົງການຕ່າງໆໃນໂລກໃຫ້ຄວາມສຳຄັນໃນລະດັບສູງຕໍ່ບັນຫາການຂາດເຂີນຊັບພະຍາກອນນ້ຳ,ແລະສະແຫວງຫາແຜນການແກ້ໄຂ.ໃນກອງປະຊຸມສຳມະນາ,ທ່ານບັນກີມູນກ່າວວ່າ,ທົ່ວໂລກຕ້ອງໃຫ້ຄວາມສຳຄັນໃນລະດັບສູງຕໍ່ບັນຫາຂາດເຂີນຊັບພະຍາກອນນ້ຳ,ເວລາແກ້ໄຂບັນຫານີ້ນັບມື້ນັບຮີບດ່ວນຂຶ້ນ.ທ່ານກ່າວວ່າ,ປີກາຍນີ້,ທົ່ວໂລກໄດ້ເຮັດວຽກຢ່າງຫຼວງຫຼາຍໃນດ້ານຮັບມືກັບການປ່ຽນແປງຂອງດິນຟ້າອາກາດ,ປີນີ້,ກໍ່ຕ້ອງເຮັດວຽກຫຼາຍເຊັ່ນກັນເພື່ອຮັບມືກັບບັນຫາຂາດເຂີນຊັບພະຍາກອນນ້ຳ.
ທ່ານໄອສເດວ ປະທານກຸ່ມບໍລິສັດໂກກາໂກລາກ່າວວ່າ,ທີ່ຈິງແລ້ວ,ມັນບໍ່ຍາກເລີຍທີ່ຈະຊອກໄດ້ແຜນການແກ້ໄຂບັນຫາຂາດເຂີນນ້ຳ,ມັນຕ້ອງການວິສາຫະກິດ ລັດຖະບານແລະອົງການຈັດຕັ້ງຕ່າງໆໃຊ້ການເຄື່ອນໄຫວຮ່ວມກັນໃນຂອບເຂດທົ່ວໂລກ.
|
|
|
