ຕາມ​ຂ່າວCRI:ວັນ​ທີ28​ມັງກອນ​ນີ້,ອິນ​ໂດ​ເນ​ເຊຍ​ໄດ້​ຈັດ​ພິທີສົບ​ຂອງທ່ານ​ມູຮັດ ຊູ​ຮັກ​ໂຕ ອະດີດ​ປະທານາທິບໍ​ດີ​ອິນ​​ໂດ​ເນ​ເຊຍ​​​ຢູ່​ປ່າຊ້າວົງ​ຕະກຸນ​ຂອງ​ທ່ານທີ່​​ໃກ້ກັບ​ເມືອງ​ໂຊ​ໂລ ຈາ​ວາກ​າງ​ແຫ່ງອິນ​ໂດ​ເນ​ເຊຍ.

ຕອນ​ທ່ຽງ​ມື້​ດຽວ​ກັນ,ທ່ານຊູຊີ​ໂລ ​​ບຳບັງ ຢູ​ໂດ​ໂຢ​ໂນ ປະທານາທິບໍດີ​ອິນ​ໂດ​ເນ​ເຊຍ​ໄດ້​ຈັດ​ພິທີ​ປົງ​ສົບ.​ເມື່ອ​ໄດ້​ອ່ານ​ຜົນງານຂອງ​ທ່ານ​ຊູ​ຮັກ​ໂຕ​ໃນ​ດ້ານທະຫານ​ແລ້ວ,ທ່ານ​ຊູຊີ​ໂລ​ໄດ້​ທຳ​ຄວາມ​ເຄົາ​ລົບ​​ແບບ​ທະຫານ​ຕໍ່​ສົບ​ຂອງທ່ານ​ຊູ​ຮັກ​ໂຕ.ພ້ອມ​ທັງຍິງປືນ​​ເພື່ອ​ສະດຸ​ດີ.ທ່ານ​ຊູຊີ​ໂລ​ກ່າວ​ວ່າ,ທ່ານ​ຊູ​ຮັກ​ໂຕ​ໄດ້​ປະກອບສ່ວນ​ຫຼາຍ​ເພື່ອ​ປະ​ເທດ​ຊາດ​,ທ່ານ​ເປັນ​ຕົວຢ່າງ​ທີ່​ຄົນ​ທັງຫຼາຍ​ຮ່ຳຮຽນ​ເອົາ.

ໃນ​​ເວລາ​ລົດ​ທີ່​​ບັນຈຸ​ສົບ​ຂອງ​ທ່ານຊູ​ຮັກ​ໂຕ​ແລ່ນ​ໄປ​ສູ່​ປ່າຊ້ານັ້ນ,ມີປະຊາຊົນ​ປະມານ1ໝື່ນ​ຄົນ​ອອກ​ມາ​ຢືນ​ຢູ່​ສອງ​ຟາກ​ທາງ​ເພື່ອສົ່ງ​ທ່ານ​ຊູ​ຮັກ​ໂຕ.