ຕາມ​ຂ່າວສານ​ຊິນ​ຮວາ:ວັນ​ທີ 28 ມັງກອນ​ນີ້,ສະພາ​ຜູ່​ແທນ​ລາດ​ຊະ​ດອນ​ຂອງ​ໄທ​ໄດ້​ຈັດ​ກອງ​ປະຊຸມ​ລົງ​ຄະ​ແນນ​ສຽງ​ເພື່ອ​ຮັບຮອງ​ນາຍົກລັດຖະມົນຕີຄົນ​ໃຫມ່ ​ແລ​ະ​ໄດ້,ຄັດ​ເລືອກທ່າ​ນສະ​ຫມັກ ສຸນ​ທໍ​ລາ​ເວດ ຫົວຫນ້າພັກ​ພະລັງ​ປະຊາຊົນ​ເປັນ​ນາຍົກລັດຖະມົນຕີລັດຖະບານ​ຊຸດ​ໃຫມ່ຂອງ​ໄທ.

ໃນ​ກອງ​ປະຊຸມ​ທີ່​ຈັດ​ຂຶ້ນ​ໃນ​ມື້​ດຽວ​ກັນ,ທ່ານ​ສະຫມັກ​ໄດ້​ຮັບ​ບັດ​ສະຫນັບສະ ຫນູນ​ 310 ບັດ,ທ່ານ​ອະພິສິດ ​ເວດ​ຊາ​ຊິ​ວະ  ຫົວຫນ້າພັກປະຊາ​ທິດ​ປັດທີ່​ພັກ​ດັ່ງກ່າວ​ສະ​ເຫ​ນີຊື່​ເຂົ້າ​ຊິງນັ້ນ​ໄດ້​ຮັບບັດ 163 ບັດ,ທ່ານ​ສະ​ຫມັກ​ໄດ້ຮັ​ບ​ເລືອກ​ຕັ້ງ​​ເປັນນາຍົກລັດຖະມົນຕີ​ໄທຜູ່​ທີ25,ສະພາ​ຜູ່​ແທນ​ລາດ​ຊະ​ດອນ​ໄທ​ມີ​ 480 ທີ່​ນັ່ງ,​ໃນ​ມື້​ດຽວ​ກັນ,ສະມາຊິກ​ທີ່​ຮ່ວມ​ປະຊຸມ​ມີ 476 ຄົນ,ມີ 3 ຄົນ​ປ່ອນບັດຂາວ

ອີງ​ຕາມ​ລະບຽບ​ການ,ພາຍຫຼັງ​ເຈົ້າ​ຊີວິດ​ໄທຊົງ​ພະ​ລາຊະ​ອະນຸມັດ​​ແລ້ວ,​ທ່ານ​ສະມັກ​ ສຸນ​ທໍລະ​ເວດຈະ​ສາບານ​ຕົວ​ຂຶ້ນ​ຮັບ​ຕຳ​ແຫນ່​ງ ພາຍ​ໃນ​ອາທິດ​ນີ້,​ແລະ​ຈະສຳ​ເລັດການຈັດ​ຕັ້ງ​ຄະນະ​ລັດຖະບານຊຸດ​ໃຫມ່​ໃນ​ຕົ້ນ​ເດືອນຫນ້າ.