|
|
 |
| (GMT+08:00)
2008-01-29 18:45:50
|
 |
|
ຜູ່ບັນຊາການສູງສຸດກອງທັບບົກຂອງໄທກ່າວວ່າຈະຮັບໃຊ້ລັດຖະບານສະໝັກ
cri
ຕາມຂ່າວສານຊິນຮວາ,ວັນທີ29ມັງກອນນີ້,ຢູ່ທີ່ບາງກອກ,ທ່ານອະນຸພົງເຜົ່າຈິນດາຜູ່ບັນຊາການສູງສຸດກອງທັບບົກຂອງໄທກ່າວວ່າ,ຝ່າຍທະຫານໄທໄດ້ກຽມພ້ອມຢ່າງເຕັມສ່ວນແລ້ວຈະຮັບໃຊ້ລັດຖະບານຊຸດໃໝ່ທີ່ນຳໂດຍທ່ານສະໝັກສຸນທະລະເວດ ນາຍົກລັດຖະມົນຕີ.
ມື້ດຽວກັນ,ທ່ານອະນຸພົງເຜົ່າຈິນດາໄດ້ກ່າວຕໍ່ສື່ມວນຊົນວ່າ,ກອງທະຫານຮັບໃຊ້ປະຊາຊົນ.ລັດຖະບານສະໝັກແມ່ນລັດຖະບານທີ່ປະຊາຊົນເລືອກຕັ້ງ,ກອງທະຫານຈະຜັນຂະຫຍາຍນະໂຍບາຍແລະຄຳສັ່ງຂອງລັດຖະບານທີ່ປະຊາຊົນເລືອກຕັ້ງ.ເມື່ອນັກຂ່າວຖາມວ່າ,ຖ້າວ່າທ່ານສະໝັກທັງດຳລົງຕຳແໜ່ງລັດຖະມົນຕີວ່າການກະຊວງກະລາໂຫມ,ຝ່າຍທະຫານຈະມີຄວາມຮູ້ສຶກບໍ່ພໍໃຈຫຼືບໍ່?ທ່ານອະນຸພົງປະຕິເສດບໍ່ໃຫ້ຄຳວິຈານ.
ວັນທີ29ມັງກອນນີ້,ເຈົ້າໜ້າທີ່ອາວຸໂສຂອງພັກພະລັງປະຊາຊົນທີ່ນຳພາໂດຍທ່ານສະໝັກກ່າວວ່າ,ປັດຈຸບັນ,ທ່ານສະໝັກພວມພິຈາລະນາຈະດຳລົງຕຳແໜ່ງລັດຖະມົນຕີກະຊວງກະລາໂຫມຂອງລັດຖະບານຊຸດໃໝ່ໄປພ້ອມ.ເນື່ອງຈາກວ່າລັດຖະມົນຕີວ່າການກະຊວງກະລາໂຫມມີສິດປັບປຸງກອງທະຫານ,ສະນັ້ນ,ຜູ່ທີ່ຈະດຳລົງຕຳແໜ່ງນີ້ໄດ້ຮັບຄວາມສົນໃຈຫຼາຍຈາກຝ່າຍທະຫານ.
|
|
|
