ຕາມ​ຂ່າວCRI:ວັນ​ທີ30​ມັງກອນ​ນີ້,​ກອງ​ປະຊຸມ​ຄວາມ​ປອດ​ໄພ​ຊັບພະຍາກອນ​ ​ແລະ ການ​ປ່ຽນ​ແປງ​ດິນ​ຟ້າ​ອາກາດ​ຂອງອົງກອນ​ເສດຖະກິດ​ຕົ້ນຕໍ​ຄັ້ງ​ທີ2​ທີ່​ອາ​ເມ​ລິ​ກາ​ເປັນ​ເຈົ້າພາບ​ໄດ້ຈັດ​ຂຶ້ນ​ຢູ່​ຮາ​ວາຍ,ຜູ່​ຕາງໜ້າ16ປະ​ເທດ​ໃຫຍ່ດ້ານ​ເສດຖະກິດ,ພ້ອມທັງ​ຜູ່​ຕາງໜ້າ​ຂອງ​ສະຫະ​ປະຊາ​ຊາດ ​ແລະ ສະຫະ​ພາບ​ເອີ​ລົບ​ໄດ້​​ເຂົ້າ​ຮ່ວມ​ກອງ​ປະຊຸມ​ດັ່ງກ່າວ​ຕາມ​ຄຳ​ເຊີນ.ກອງປະຊຸມ​ຄັ້ງ​ນີ້​ມີ​ຈຸດປະສົງ​ຈັດ​ຕັ້ງ​ປະຕິບັດ ​ແລະ ​​ເຮັດ​ໃຫ້ຫົວ​ຂໍ້​ຕ່າງໆ​ທີ່​ກຳນົດ​ໄວ້​ໃນ"​ແຜນ​ທີ່​ເກາະ​ບາຫຼີ"ທີ່​ກອງ​ປະຊຸມ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ​ສະຫະ​ປະຊາ​ຊາດ​ໄດ້​ຜ່ານ​ຮັບຮອງ​ໃນ​ທ້າຍ​ປີ2007ລະອຽດຂຶ້ນ,​ຊ່ວຍ​ເຫືຼອຊຸກ​ຍູ້​ຂະ​ບວນວິວັດ​ການ​ເຈລະຈາ​ກ່ຽວ​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດພາຍ​ໃຕ້​ຂອບ​ສະຫະ​ປະຊາ​ຊາດ.

ທ່ານ​ໂຢຟ ດີ ​ເປ​ວ ​ເລຂາປະຕິບັດ​ງານ​ຂອງກອງ​ເລຂາ"ສົນທິສັນຍາ​ຂອບ​ການ​ປ່ຽນ​ແປງ​ດິນ​ຟ້າ​ອາ​ກາດສະຫະ​ປະຊາ​ຊາດ"ກ່າວ​ເນັ້ນ​ວ່າ,ປະ​ເທດ​ອຸດສາຫະກຳມີໜ້າ​ທີ່ຮັບ​ຜິດ​ຊອບ​ຕົ້ນ​ຕໍ​ໃນ​ບັນຫາ​ຫຼຸດ​ການ​ລະບາຍ​ອາຍ​ເຮືອນ​ແກ້ວ.  ທ່ານ​​ເວົ້າ​ວ່າ,ກ່ຽວ​ກັບ​ບັນຫາ​ຮັບ​ມື​ກັບ​ການ​ປ່ຽນ​​ແປງຂອງ​ດິນ​ຟ້າ​ອາກາດ,ຄວາມ​ຮັບ​ຮູ້​ຄື​ກັນ​ລະຫວ່າງ​ຊາດ​ແມ່ນ​ປະ​ເທດ​ອຸດສາຫະກຳ​ຄວນ​ຫຼຸດ​ການ​ລະບາຍ​ອາຍ​ເຮືອນ​ແກ້ວ​ຢ່າງ​ຫຼວງ​ຫຼາຍ,​ແລະ​ເຮັດ​​ໃຫ້ການ​ລະບາຍ​ອາຍ​ເຮືອນ​ແກ້ວ​ທົ່ວ​ໂລກ​ຫຼຸດ​ໜ້ອຍ​ລົງ​​ເທື່ອ​ລະ​ກ້າວ​ໃນ​ຫຼາຍ​ສິບ​ປີ​ຂ້າງ​ໜ້າ.