ຕາມ​ຂ່າ​ວສານ​ຊິນ​ຮວາ: ວັນ​ທີ7ກຸມພາ​ນີ້ ຄະນະ​ກຳມະການ​ຄວາມ​ປອດ​ໄພ​ແຫ່ງ​ຊາດ​ໄທທີ່​ສ້າງ​ຂຶ້ນ​ຫຼັງ​ລັດຖະປະຫານ​ໃນ​ປີ2006 ​ໄດ້​ປະກາດ​ຍຸບ​ເລີກ,​ແລະ​ຮັບຮອງ​ວ່າ ລັດຖະບານຊຸດ​ໃໝ່​ທີ່​ນຳ​ໂດຍ​ທ່ານ​ນາຍົກລັດຖະມົນຕີ​ສະມັກ ຊຸນທອນເວດ ​ແມ່ນ​ລັດຖະບານ​ທີ່​ໄດ້​ຮັບ​ເລືອກ​ຕັ້ງ​ຈາກປະຊາຊົນ. ມື້​ດຽວ​ກັນ,ຢູ່​ກອງ​ບັນຊາກອງທັບ​ບົກ​ທີ່​ບາງກອກ ຜູ່​ນຳ​ຕົ້ນຕໍ​ຂອງ​ຄະນະ​ກຳມະການ​ຄວາມ​ປອດ​ໄພ​ແຫ່ງ​ຊາດ 6 ຄົນໂດຍແມ່ນພົນ​ເອກຊາ​ລິດ ພູຜາ​ສຸກ ວ່າການ​ແທນປະທານ​ຄະນະ​ກຳມະການ​ຄວາມ​ປອດ​ໄພ​ແຫ່ງ​ຊາດ ​ຜູ່​ບັນຊາ​ການກອງ​ທັບ​ອາກາດ​ເປັນ​ຫົວ​ໂປ່​ໄດ້​ຈັດ​ກອງ​ປະຊຸມ​ຄົບ​ຄະນະ​ຄັ້ງສຸດ​ທ້າຍ,ປະກາດ​ຍຸບ​ເລີກ​ຄະນະ​ກຳມະການ​ຄວາມ​ປອດ​ໄພ​ແຫ່ງ​ຊາດ​ຢ່າງ​ເປັນ​ທາງ​ການ.

ຂ່າວ​ແຈ້ງ​ອີກ​ວ່າ,ວັນ​ທີ6ກຸມພາ​ນີ້ ທ່ານ​ທອມ ​​ແຄ​ຊີ ​ຮອງໂຄສົກກະຊວງ​ການ​ຕ່າງປະ​ເທດອາ​ເມ​ລິ​ກາ​ກ່າວ​ວ່າ,​ຍ້ອນ​ວ່າ​ໄທ​ໄດ້​ຟື້ນ​ຟູ​ລະບອບ​ປະຊາ​ທິປະ​ໄຕ​​ແລ້ວ,ອາ​ເມ​ລິ​ກາ​ຕົກລົງຈະ​ຟື້ນ​ຟູ​ການ​ຊ່ວຍ​ເຫຼືອ​ໄທ​ທາງ​ການ​ທະຫານ,​ແລະ​ຫວັງ​ໃຫ້​ຮັກສາ​ການ​ພົວພັນ​ທີ່​ດີ​ກັບ​ລັດຖະບານ​ຊຸດ​ໃໝ່​ຂອງ​ໄທ.