ຕາມ​ຂ່າວສານ​ຊິນ​ຮວາ:ວັນ​ທີ14​ກຸມພາ​ນີ້,ຄະນະ​ກຳມະການ​ການ​ເລືອກ​ຕັ້ງ​ມາ​ເລ​ເຊຍ​ປະກາດ​ວ່າ,ມາ​ເລ​ເຊຍ​ຈະ​ຈັດການ​ເລືອກ​ຕັ້ງ​ລັດຖະສະພາ​ຊຸດ​ໃໝ່​ໃນ​ວັນ​ທີ8​ມີນາ.ຄະນະ​ກຳມະ​ການການ​ເລືອກ​ຕັ້ງ​ຕົກລົງ​ຈະ​ສະ​ເໜີ​ລາຍ​ຊື່​ຜູ່ສະໝັກ​ຮັບ​ເລືອກ​ຕັ້ງ​ໃນວັນ​ທີ24​ກຸມພາ​ນີ້ ​ແລະ​ເລິ່ມດຳ​ເນີນ​ການ​ແຂ່ງຂັນ​ເລືອກ​ຕັ້ງ,ດຳ​ເນີນ​ການ​ປ່ອນ​ບັດ​ທົ່ວ​ປວງ​ຊົນ​​ແຕ່​8​ໂມງ ຫາ 17​ໂມງ​ວັນ​ທີ8​ມີນາ​ເວລາ​ທ້ອງ​ຖິ່ນ.

ລັດຖະ​ສະພາ​ມາ​ເລ​ເຊຍ​​ແມ່ນ​ອົງການ​ນິຕິບັນຍັດ​ສູງ​ສຸດ,ປະ​ກອບ​ດ້ວຍ​ສະພາ​ສູງ ​ແລະ ສະພາ​ຕ່ຳ.​ເດືອນພຶດ​ສະພາ​ປີ2003,ທີ່​ນັ່ງ​ຂອງ​ສະພາ​ຕ່ຳ​ເພິ່ມຈາກ194​ທີ່​ນັ່ງ ຂຶ້ນ​ເປັນ 219ທີ່​ນັ່ງ,ອາຍຸ​ການ5​ປີ. ສະພາ​ສູງ​ມີ​ສະມາຊິກ70​ຄົນ, ສະພາ​ຂອງ13​ລັດ​ທົ່ວ​ປະ​ເທດ,​ ແຕ່​ລະ​ລັດ​ເລືອກ2​ຄົນ,ອີກ​44ຄົນ​​ແມ່ນ​ປະມຸກ​ລັດ​ແຕ່ງ​ຕັ້ງຕາມ​ການສະ​​ເໜີ​ຂອງຄະນະ​ລັດຖະ​ບານ,ມີ​ອາຍຸ​ການ3​ປີ.