|
ຕາມຂ່າວສານຈີນ:ຫວ່າງມໍ່ໆນີ້,ທ່ານຊູລິໂລ ໂຢໂຕໂຢໂນ ປະທານາທິບໍດີອິນໂດເນເຊຍກ່າວວ່າ,ເຂົ້າໃຈແລະເຫັນໃຈບັນຫາຈຳນວນໜຶ່ງທີ່ຊາວຈີນປະເຊີນກັບ,ແລະໃຫ້ຄຳໝັ້ນສັນວ່າຈະຟື້ນຟູສິດ ແລະ ຜົນປະໂຫຍດຂອງຊາວຈີນໃນດ້ານຄວາມແພ່ງ ເຊັ່ນ,ຊື່ຈີນ,ບັດປະຈຳຕົວແລະໃບສົມລົດເປັນຕົ້ນ.
ໃນໄລຍະບຸນກຸດຈີນ,ທ່ານຟາວຸສ ເຈົ້າແຂວງເຂດພິເສດນະຄອນຫຼວງຈາກາຕາຊຸດໃໝ່ເຜີຍໃຫ້ຮູ້ວ່າ, ເຈົ້າໜ້າທີ່ໄດ້ຕົກລົງໃຊ້ມາດຕະການທີ່ມີລັກສະນະບຸກທະລຸ,ສະໜອງບັດປະຈຳຕົວໃຫ້ຊາວຈີນຜູ່ທຸກຍາກທີ່ຈົນຮອດປັດຈະບັນ ຍັງບໍ່ມີບັດປະຈຳຕົວໂດຍບໍ່ຕ້ອງເສຍຄ່າ.ທ່ານຊີ້ອອກວ່າ,ມາດຕະການລາຍນີ້ຈະເຮັດໃຫ້ລູກຫຼານຂອງຊາວຈີນເຫຼົ່ານີ້ບໍ່ປະສົບຄວາມຫຍຸ້ງຍາກອີກໃນເວລາເຂົ້າໂຮງຮຽນ ແລະ ປະກອບອາຊີບ.
ກົດໝາຍວ່າດ້ວຍສັນຊາດຂອງອິນໂດເນເຊຍສະບັບໃໝ່ທີ່ມີຜົນບັງຄັບໃຊ້ໃນວັນທີ9ສິງຫາປີ2006ໄດ້ຍົກເລີກບາງຂໍ້ມາດຕາໃນກົດໝາຍສະບັບເກົ່າທີ່ດູໝິ່ນ ເຊື້ອຊາດ,ເພດແລະການສ້າງຄອບຄົວຂອງຊົນເຜົ່າສ່ວນໜ້ອຍ,ກຳນົດວ່າຜູ່ເກີດຢູ່ອິນໂດເນເຊຍ ແລະ ບໍ່ໄດ້ຮັບສັນຊາດຕ່າງປະເທດນັ້ນລ້ວນແຕ່ມ່ນພົນລະເມືອງອິນໂດເນເຊຍທຸກໆເຊື້ອຊາດ ແລະ ກຸ່ມຄົນສັງຄົມລ້ວນແຕ່ມີສິດແລະຜົນປະໂຫຍດຄືກັນ.
|
