|
|
 |
| (GMT+08:00)
2008-02-22 17:37:57
|
 |
|
ສະພາຄວາມໝັ້ນຄົງສະຫະປະຊາຊາດຈັດກອງປະຊຸມເປີດກວ້າງກ່ຽວກັບສະຖານະການຂອງຕີມໍເລັສເຕ
cri
Author: MO
ຕາມຂ່າວສານຊີນຮວາ: ວັນທີ 21 ກຸມພານີ້, ສະພາຄວາມໝັ້ນຄົງສະຫະປະຊາຊາດໄດ້ຈັດກອງປະຊຸມເປີດກວ້າງເພື່ອປຶກສາຫາລືກັນກ່ຽວກັບສະຖານະການໃນຕີມໍເລັສເຕ.
ທ່ານຊັງ ມາຣີ ກີເຮັນໂນ ຮອງເລຂາທິການໃຫຍ່ຂອງສະຫະປະຊາຊາດທີ່ຮັບຜິດຊອບວຽກງານຮັກສາສັນຕິພາບໄດ້ແຈ້ງສະພາບຫຼ້າສຸດຂອງສະຖານະການຕີມໍເລັສເຕໃຫ້ສະພາຄວາມໝັ້ນຄົງຊາບ. ທ່ານກ່າວວ່າ, ນັບແຕ່ທ່ານໂຈເຊ ລາໂມສ໌ ໂອທາ ປະທານາທິບໍດີຕີມໍເລັສເຕຖືກຫຼອນໂຈມຕີໃນວັນທີ 11 ເດືອນນີ້ເປັນຕົ້ນມາ, ຕີມໍເລັສເຕບໍ່ໄດ້ເກີດເຫດການຄວາມບໍ່ສະຫງົບຂະໜາດໃຫຍ່ອີກ. ທ່ານຍ້ອງຍໍລັດຖະບານແລະປະຊາຊົນຕີມໍເລັສເຕທີ່ສະແດງຄວາມອົດກັ້ນແລະເຄົາລົບສິດທິມະນຸດຫຼັງຈາກເກີດການຫຼອນໂຈມຕີ. ແຕ່ທ່ານກ່າວເນັ້ນວ່າ, ສະພາບການໃນມໍ່ໆນີ້ສະແດງໃຫ້ເຫັນວ່າ, ຕີມໍເລັສເຕຕ້ອງການແກ້ໄຂຫຼາຍບັນຫາເຊັ່ນ ການປະຕິຮູບພາກສ່ວນຮັກສາຄວາມປອດໄພ ເພີ່ມທະວີລະບອບກົດໝາຍ ແລະຊຸກຍູ້ການພັດທະນາເສດຖະກິດແລະສັງຄົມພາຍໃຕ້ການຊ່ອຍເຫຼືອຈາກສະຫະປະຊາຊາດ.
ທ່ານກີເຮັນໂນຍັງກ່າວວ່າ, ທ່ານໂອທາພວມປິ່ນປົວຢູ່ອົສຕາລີ, ປັດຈຸບັນປອດໄພແລ້ວ, ແລະພວມຟື້ນຟູສຸຂະພາບ.
|
|
|
